ශ්‍රී ලංකාවේ සෑම විහාරස්ථානයක් ම යැපෙන්නේ දායකයන්ගෙනි. දායකයා ආර්ථික දරිද්‍රතාවයට මුහුණ දෙන අවස්ථාවලදී ඔවුන්ට රුකුළක් ලබා දීම අපගේ ද යුතුකමකි. දරුවන් වගාවට යොමුකරවා ඔවුන් දෙමාපියන්ට උපකාර කරවීමට සැළැස්වීම අපට කළහැකි දෙයකි. දෙමාපියන්ට උපකාර කිරීමේ වටිනාකම ද.පා. පෙළපොත්වල ද සඳහන් කරුණකි. 

(දෙමාපියන් දුකට පත්ව ඇති මේ අවස්ථාවේ රජයට බැණවැදෙමින් දෙස් දෙවොල් තබනවාට වඩා අපට කළහැකි දේ අපි හඳුනාගෙන ක්‍රියාත්මක කරමු)

6 වන ශ්‍රේණියෙන් ඉහළ සෑම සිසුවකුගේ ම නිවසේ ගෙවත්තක් ආරම්භ කිරීමට උපදෙස් දුනිමි. ඒ සඳහා ගත් පියවර පහත දක්වා ඇත.

දහම් ළමා ගෙවතු වගා

1. ව්‍යාපෘතිය –“වවමු හදමු දම් සිසිලෙන් පුංචි ගොවිපලක්“

මෙම ව්‍යාපෘතිය කොබෙයිගනේ ශාසනාරක්ෂක මණ්ඩලයේ ව්‍යාපෘතියක් වන අතර රාජ්‍ය හා රාජ්‍ය නොවන ආයතනවල පිරිසකගේ හා පරිත්‍යාගශීලීන්ගේ සාමූහිකත්වයෙන් සිදු කරන්නකි. 

1. අරමුණු
   1. පවතින ආහාර අර්බුධයට පිළියමක් ලෙස දහම්පාසල් සිසු දරුවන් ආහාර වගාව වෙත යොමු කරවීම.
   2. දරුවන් තුළ ගුණාත්මක ආකල්ප ඇති කිරීම.
      1. දෙමව්පියන්ට උපකාර කිරීම
      2. දරුවන් රට සංවර්ධනයට දායක කර ගැනීම
      3. ආහාර සම්පාදනයේ ඇති දුෂ්කර බව තේරුම් ගැනීමට සැළැස්වීම
      4. ආහාර සුරක්ෂිතතාව තේරුම් ගැනීමට සැළැස්වීම

 

1. 1. පරිපාලනයේ පහසුව අනුව දහම්පාසල් 38 කලාප 4 කට බෙදා ඇත. එය පහත දැක්වේ.

• 1 වන කලාපය –
  

1. 1. 1. 1. උස්ගල, 
         2. මොරගොල්ල, 
         3. ඉහළ බලදොර, 
         4. පහළ බලදොර, 
         5. වදුරැස්ස    (හිදගහවැව), 
         6. කට්ටපිටිය, 
         7. හොළඹලෑව, 
         8. හල්මිල්ලකොටුව, 
         9. වලස්වැව, 
         10. පුබ්බිලිය.
             

• 2 වන කලාපය
  

1. 1. 1. 1. කොබෙයිගනේ. 
         2. අලහේනේගම, 
         3. මීගස්වැව, 
         4. දංගල්ලාගම, 
         5. බෙලිවැව, 
         6. නැබඩවැව, 
         7. ලෝලුගස්හේන, 
         8. කොස්ගහවැව, 
         9. අරළුගස්වැව, 
         10. හිරිවැව,  
             

• 3 වන කලාපය
  

1. 1. 1. 1. තිඹිරිපොකුණ, 
         2. ගලදෙනිගම, 
         3. වැටකොළුවැව, 
         4. හාතලව, 
         5. ලීකොළවැව, 
         6. අස්වැද්දුම, 
         7. දංවිල බෝපත්,  
         8. දංවිල, 
         9. කහටගස්වැව.
            

• 4 වන කලාපය
  

1. 1. 1. තෙලහැර, 
      2. හෙංගමුව, 
      3. ගොපල්ලෑව, 
      4. කදත්තාව, 
      5. ඇඹලයාගම, 
      6. වදුරැස්ස, 
      7. වන්නිගම, 
      8. විතිකුලිය, 
      9. අමුණුකොලේ.
         

 

1. ඉලක්කගත පිරිස – දහම්පාසල් සිසුන්, ගුරුභවතුන්,
   1. දහම්පාසල් සිසුන්ගේ කාර්යභාරය – තමාගේ නිවස පිහිටි භූමිගේ කුඩා ගෙවත්තක් ආරම්භ කිරීම, එහි කොම්පොස්ට් හොහොර වලක් සෑදීම, එළවලු/පළතුරු වගාව ආරම්භ කිරීම
   2. දහම්පාසල් ගුරුභවතුන්ගේ කාර්යභාරය-සෑම ශිෂ්‍යයකුගේ ම ගෙවත්ත පරික්ෂාවට ලක් කිරීම සහ උපදෙස් ලබා දීම. 6 ශ්‍රේණියේ සිට දහම්පාසල් අවසාන ශ්‍රේණිය දක්වා මුළු සිසුන් මුළු ගුරුවරුන් අතර බෙදාගත යුතුයි.
2. සහායක පිරිස/මෙහෙයුම් කණ්ඩායම
   1. ප්‍රධාන සභාපති, ලේඛකාධිකාරි, කාරකසභා නියෝජිතයින්
   2. ප්‍රාදේශීය ලේකම්තුමිය, සංවර්ධන නිළධාරින්, බෞ.ක.ස, නිළධාරින්
   3. කෘෂිකර්ම අධ්‍යක්ෂතුමන්, උපදේශකවරුන්, කෘෂිකර්ම පර්යේෂණ නිළධාරීන්
   4. මසකට වරක් රැස්විය යුතුය. ප්‍රගතිය, තීරණ, සැලසුම් සාකච්ඡා කළයුතුය. බෞ.ක.ස. නිළධාරින්ගේ සංවිධානයෙන් සිදු කළ යුතුය.

 

1. ආරම්භය/අවසානය මෙම වැඩසටහන අඛණ්ඩව පවත්වාගෙන යනු ලැබේ. 2022.12.31 දින දක්වා තරග කටයුතු පවත්වාගෙන යනු ලැබේ.
2. අධීක්ෂණ/ විනිශ්චය
   1. දහම්පාසල් ගුරුභවතුන් විසින් මාස 1 කට වරක් සිසුන්ගේ ගොවිබිම් පරීක්ෂා කළ යුතුය. එක් එක් ගුරු භවතා තම කොටසේ හොඳ ම ගොවිපල ප්‍රධානාචාර්යවරයාට වාර්තා කළ යුතුය. 
   2. ප්‍රධානාචාර්ය වරයා තම දහම් පාසලේ හොඳ ම ගොවිපල 3 ක් ලේඛකාධිකාරි හිමියන්ට වාර්තා කළ යුතුය. 
   3. ලේඛකාධිකාරි හිමියන් බෞද්ධ කටයුතු සමායෝජක නිළධාරින්ගේ හා කෘෂිකර්ම උපදේශකවරුන්ගේ සහයෙන් හොඳ ම ගොවිපලවල් තෝරාගත යුතුය.
   4.  අධීක්ෂණ/ විනිශ්චය කිරීමේ කාල වකවානු අංක 5 යටතේ දැක්වෙන සහායක පිරිස/මෙහෙයුම් කණ්ඩායම විසින් තීරණය කෙරේ.
   5. විනිශ්චය කටයුතු සඳහා ප්‍රශ්ණාවලියක් සකස් කර එවා ඇත‍. එය සිසුන්ට ලැබෙන්නට සැලැස්විය යුතුයි. තරග විනිශ්චයකරුවන් ලකුණු ලබා දෙන්නේ එම නිර්නායක අනුව බව කරුණාවෙන් සලකන්න.
   6. ගෙවතු වගා ත්‍යාග හා සහතික
      1. දහම්පාසල් මට්ටමේ හොඳ ම ගොවිපලවල් හිමි සිසුන්ට ඔබ දහම්පාසල් සංවර්ධන සභාවේ අනුග්‍රහයෙන් ත්‍යාග පිරිනැමිය හැකි අතර පහත සඳහන් ත්‍යාග ශාසනාරක්ෂක මන්ඩල මට්ටමින් පිරිනැමීමට කටයුතු යොදා ඇත. 
      2. හොඳම ගොවිපල හිමි සිසුන් 25 දෙනාට පහත සඳහන් මුදල් ත්‍යාග පිරිනැමීමට අදහස් කෙරේ. 
3. උපදේශණය සුදුසු අවස්ථාවල දී දහම්පාසල්වල ආරම්භක රැස්වීමේ දී කෘෂිකර්ම නිළධාරින්ගේ හෝ ඒ පිළිබඳව දැනුමක් ඇති ගොවි මහතුනගේ සහභාගිත්වයෙන් හෝ සිසුන්ගේ ගැටලු සාකච්ඡා කිරීම උපදෙස් ලබා දීම සිදු කළයුතුය.  

සෑම දහම්පාසලක ම උදය රැස්වීමේ දී විනාඩි 15 ක වත් කාලය වෙන් කරගෙන ආහාර සුරක්ෂතතාවය, ආහාර නිෂ්පාදනය, කාබනික හොහොර භාවිතය, විදේශ විනිමය ආදිය පිළිබඳව කථා, දේශණ, වැඩසටහන් පැවැත්විය යුතුය. 

වර්මාන ප්‍රගතිය

• දහම්පාසල් 32 ක කෘෂිකර්ම උපදේශකවරුන්ගේ මඟපෙන්වීම යටතේ කොම්පොස්ට් පෝර සැකසීම හා ගෙවත්තක් ආරම්භ නර පවත්වාගෙන යාම සිදු කරති.
• දැනට ගුරු සිසු ගෙවතු 1432  ක කොම්පොස්ට් වලවල් හා ගෙවතු ආරම්භ නර පවත්වාගෙන යාම සිදු කරති.

ගෙවතු වගා අධීක්ෂණ පත්‍රිකාව

ශිෂ්‍යයාගේ නම…………………………………………………………………………………… ශ්‍රේණිය ………..

ලිපිනය………………………………………………………. සම්බන්ධකරගත හැකි දුරකථනය ………………

භාරකරුගේ නම …………………………………………… සම්බන්ධකරගත හැකි දුරකථනය …………….

	මාතෘකාව	කාර්යය	උපරිම ලකුණු	ලකුණු 1	ලකුණු 2
1	භූමි භාවිතය	හිරු එළිය සහිත ස්ථානවලට උචිත භෝග තේරීම	05
2		සෙවන ස්ථානවලට උචිත භෝග තේරීම	05
3		ජලය රැඳෙන තැන්වලට උචිත භෝග තේරීම	05
4		පාංශු රක්ෂණ ක්‍රම යෙදීම	05
5	භෝග විවිධාංගීකරණය	එළවළු භෝග වර්ග  -එක් වර්ගයකට ලකුණු 1 බැගින් උපරිම 5	05
6		පළතුරු භෝග වර්ග – එක් වර්ගයකට ලකුණු 1 බැගින් උපරිම 5	05
7		අල භෝග/මාෂ භෝග – එක් වර්ගයකට ලකුණු 1 බැගින් උපරිම 5	05
8		ඖෂධ පැළෑටි -එක් වර්ගයකට ලකුණු 2 බැගින්	06
10	විවිධ රටා	බඳුන් තුළ වගාව -එක් බඳුනකට ලකුණු 1 බැගින්	05
11		වගා කුළුණු 1 කට 5 බැගින් උපරිම 10	10
12		වගා වැට -දික් අඩි 5 ට ලකුණු 1 බැගින් උපරිම 10	10
13	පන්දලම	පන්දලම වර්ග අඩි 10 ට ලකුණු 1 බැගින් උපරිම 10	10
14	භෝග ආරක්ෂණ ක්‍රම	ශාඛ නිස්සාරක භාවිතය	05
15		කෘමි විකර්ෂක	05
16		ඵල ආවරණය	02
17		ආලෝක උගුල් භාවිතය	02
18	කොම්පොස්ට් ඒකකය	ජීව කොටුව	05
19	කොම්පොස්ට් ඒකකය	පොහොර කන්දේ ඝනත්වය– දිග xපළලxඋස ඝන අඩි 1 ට ල 1 බැගින්	20
20	තවාන් ඒකකය	තවාන් පාත්ති -වර්ග අඩි 1 ට ල. 1 බැගින් උපරිම 5	05
21		තවාන් බඳුන් -බදුන් 1 ට ල 3, ඊට වැඩි ල 5	05
22		තවාන් කවර හෝ වෙනත්    1 ට ල 3, ඊට වැඩි ල 5	05
23	ගෙවත්තෙහි අඛණ්ඩ බව	වරින් වර භෝග අලුතින් සිටුවීම	20
24	ගෙවත්තෙහි සනීපාරක්ෂාව	මඩවගුරුවලින් තොර, පාර, අගල්,	10
25	ගෙවත්තෙහි අලංකරණය	දැකුම්කළු බව	10
26	වාර්තාකරණය	ගෙවත්තෙහි ආරම්භයේ සිට දෛනික සිදුවීම් පොතක දින සහිතව වාර්තා කර තිබිය යුතුය. එහි ආරම්භයේ සිදු කළ ක්‍රමවේදයන්	06
27		බෝග සිටුවීමේ තොරතුරු	04
28		ජලය යෙදීම	04
29		පොහොර යෙදීම	04
30		පළිබෝධ උවදුරු වලක්වා ගැනීම	04
31		පැළවල වෙනස්කම්, ඵල හට ගැනීම,	04
32		ඵල නෙළීම හා ඒවායේ ප්‍රමාණ සහිතව	04
		එකතුව	200

උපදෙස්-

1. 1,2,3 වන මාසවලදී මෙම අධීක්ෂණ පත්‍රිකා සම්පූර්ණ කළ යුතුය. මෙම පත්‍රිකා අප විසින් සපයා දෙනු ලැබේ.  
2. අදාළ ගුරුභවතා විසින් මෙම අධීක්ෂණ පත්‍රිකාවල ලකුණු1 තීරයේ ලකුණු යොදා ප්‍රධානාචාර්යවරයාගේ භාරයේ තැබිය යුතුයි. දෙවැනි මාසයේ අධීක්ෂණය කිරීමේදී දැනට පවතින තත්වට යටතේ ලකුණු 2 තීරයේ ලකුණු යෙදිය යුතුයි. පසුව ලකුණු එකතු කර මුළු ලකුණු තරග විනිශ්චය සඳහා යොදා ගත යුතුය.
3. ලකුණු යොදන්නේ මෙම පත්‍රිකාවේ ම බැවින් එක ම සිසුවාගේ වුවද ලකුණු තීරු දෙක අඩු වැඩි විය හැකිය.
4. කාල රාමුව සුදුසු වරිදිසකසා ගන්න

ගුරුවරයාගේ  නම……………………………………………………………………………………………….. 

කිවයුතු කරුණු ………………………………………………………………………………………………………

ගුරුභවතාගේ අත්සන …………………..