දැන් ඔබ මේ වෙන කොට ආනාපානසති භාවනාව පිළිබඳවත්, හොඳ සිහි නුවණින් යුක්තව සෑම කටයුත්තක්ම කිරීම ගැනත් ඔබ ඉගෙන ගෙන තියෙනවා. ඊළඟට ඉගෙන ගන්නේ සක්මන් භාවනාව...
සතර සතිපට්ඨානය තුළ ඉරියාපථ භාවනාව
read more
ගුරුගොඩ විහාරය
මෙම විහාරය වලගම්බා රජු දවස ක්‍රි.පූ.103 ඉදි කරන ලද බව පුරාවිද්‍යා දෙපාර්තමේන්තුවේ වාර්තා වල සදහන් වේ. එකල මෙම විහාරය චෛත්‍ය බෝධිය විහාර මන්දිර සංඝාවාස ගිනිහල් ගෙවල් පොහොය ගෙය හා පැං පොකුණු ආදියෙන් යුතු අංග සම්පුර්ණ විහාරස්ථානයකනි. දැනට ඒවායේ නටබුන් දක්නට ඇත. යාපහුව රාජධානි යුගයේ විහාරස්ථානය අවට ගම්මානවලින් දළදා පූජාව සඳහා කොමඩු සැපයු බව සදහන් සිලා ලිපියක් විහාරය ආසන්නයෙන් හමු වි ඇත.
පසු කලක වනගතව පැවති මෙම විහාරය මහනුවර යුගයේ කිර්ති ශ්‍රි රාජසිංහ රජු දවස (ක්‍රි.ව. 1747) යළි පිළිසකර කොට නැවතුම් කරවා ඇත. අද දක්නට ඇති පැරණි විහාර ගෙය සහ පිලිම ඒ කාලයේ නිර්මාණය විය. මැතක චෛත්‍ය ප්‍රතිසංස්කරණය කොට සංඝාවාසය සහ බෝධි ප්‍රාකාරය ආදිය ඉදිකරවන ලදි.
සුන්දර වන ලැහැබකින් වට වු සුවිශාල ගල්තලාවක පිහිටි මේ විහාරය ඉපැරණි විහාරස්ථානයක පිහිටිම දක්වන කදිම ආදර්ශයකි. ගම, කුඹුරුයාය. වැව, පන්සල, දාගැබ පිලිවෙලින් පිහිටා තිබේ. පර්වතය මත ඇති දසාගැබ වැවට කුඹුරු යායට හා මුළු ගමටම දර්ශනනය වේ.
ශ්‍රි රතනපාල දහම් පාසල
ශ්‍රි රතනපාල දහම්පාසල නමින් විහාරයෙහි දහම් පාසලක් පවත්වාගෙන යනු ලැබේ. අවට ගම්වල දරුවන් මේ දහම්පාසලේ අධ්‍යාපනය ලබති. එකසිය පනහක් පමණ දරු පිරිසක් මෙහි ඉගෙනුම ලබන අතර ස්වේච්ඡා ගුරුවරුන් පහලොස් දෙනෙක් සේවය කරති. දහම්පාසල් දරුවන්ට බෞද්ධ සිරිත් විරිත් හා බුදු දහම උගන්වන අතර ඔවුන්ට ධර්මය පිලිබඳ ප්‍රායෝගික පුහුණු ද ලබා දෙනු ලැබේ.
පුවත් ~ News
මෙම විහාරස්ථානයේ සිදුකරන ආගමික වැඩසටහන්, ආධාර අවශ්‍යතා සහ දහම් කරුණු පිළිබදව තොරතුරු පහතින් දක්වා ඇත. සම්පුර්ණ පුවත කියවන්න “වැඩිදුර කියවන්න” බොත්තම ඔබන්න.
භාවනාවේ මූලික කරුණු
භාවනාව තුළින් ඔබේ මිනිස් ජීවිතය වඩාත්ම සුවපත් කරන අතර වඩාත්ම අර්ථවත් කරයි. භාවනා කිරීම කියන්නේ ඔබේ සිත දියුණු කරගන්නා සුවිශේෂී ක්‍රමයකටයි. අපට මේ...
පෘථග්ජන පුද්ගලයා කවරෙක් ද?
බෞද්ධයෝ බොහෝ කලක සිට නිවැරදි අර්ථය නොසළකා ‘පෘථග්ජන’ යන වචන ව්‍යවහාර කරන්නට පුරුදුව සිටිති. තමන්ගේ ඇතැම් දුර්වලතා සාධාරණීකරණය කරගැනීමට ද ‘අපි ඉතින්...
ආයාචිතභත්ත ජාතකය ~ දෙවියන්ට භාරහාර වූ මිනිසුන්ගේ කථාව
අදටත් සමහර උදවිය තමන්ගේ කටයුතු සාර්ථක වෙන්න කියල දෙවියන්ට භාරහාර වෙනවා. දේවදාන දෙනවා. ඇතැම් ආගම්වල අදටත් භාර ඔප්පු කිරීම පිණිස සතුන් මරා බිලි දෙනවා....
කණ්හ ජාතකය ~ කළු වෘෂභයාගේ කථාව
වගකීම් හැමෝටම දරන්ට බෑ. ඕනෑම වගකීමක් දරන්ට පුළුවන් අය ඉන්නවා. අපගේ භාග්‍යවතුන් වහන්සේ අන්න එබඳු උත්තමයෙක්. දවසක් අපගේ භාග්‍යවතුන් වහන්සේ අසවල් දවසේ...
තේලපත්ත ජාතකය ~ තෙල් පාත්‍රය මුල් කොට වදාළ කථාව
පින්වතුනේ, පින්වත් දරුවනේ, ජීවිතයේ බොහෝ ආරවුල්, අර්බුද, ගැටළු හටගන්නේ ඉන්ද්‍රියයන් අසංවර වීමෙනුයි. ඉන්ද්‍රිය සංවර නොකර ගැනීමෙන් පැවිදි ජීවිතය පවා...
ඡායාරූප ගැලරිය ~ Photo Gallery
මෙම විහාරය වලගම්බා රජු දවස ක්‍රි.පූ.103 ඉදි කරන ලද බව පුරාවිද්‍යා දෙපාර්තමේන්තුවේ වාර්තා වල සදහන් වේ.
“මෙම පුණ්‍ය භූමිය සඳහා අවශ්‍ය දෑ පහත පරිදි දැක්විය හැකිය.”
මෙම විහාරස්ථානයේ අවශ්‍යතා සොයාබලා ඔබට හැකි අයුරින් ආධාර කරන්න. විහාරස්ථානයේ වර්තමාන තත්වය දැනගැනීමට සැමවිටම විහාරාධිපති ස්වාමින් වහන්සේ දුරකථනය ඔස්සේ හෝ චැට් පණිවිඩයක් ඔස්සේ සම්බන්ධ කරගන්න. මෙම තොරතුරු යාවත්කාලින කරන ලද්දේ 2019 ඔක්තොම්බර් 28 වෙනි දිනදීය.
ආධාර අවශ්‍ය කාරණා
- පැරණි දාගැබ් මළුව සංවර්ධනය කිරිම
ඉතා පැරණි දාගැබ පර්වතය මත පිහිටා තිබේ. මෑතක දි දාගැබ සංරක්ෂණය කරන ලදී. නමුත් මළුව සංරක්ෂණය කළ නොහැකි විය. මළුව අඩි (125 X 125 ) (දිග අඩි 125 පළල අඩි 125 ක් වේ.) කලුගලින් පදනම බැඳ වලාකුල් බැම්මක් සාදා විදුලි ආලෝකය සපයා ගත යුතුය. මේ නිම කිරිම සඳහා රුපියල් මිලියන 2 ක් පමණ වැය වේ.
- වකුගඩු හා පිලිකා රෝගින් සඳහා සුභසාධන වැඩ සටහන් දියුණු කිරිම
කෘෂිකාර්මික ප්‍රදේශයක් වන අප ප්‍රදේශයේ බහුල වශයෙන් වකුගඩු රෝගින් සිටිත්. ඇතැම් පවුල්වල වකුගඩු රෝගීන් කිහිප දෙනෙක් සිටින අතර ඔවුහු අන්ත අසරණ තත්ත්වයට පත්ව ඇත. වකුගඩු රෝගය පාලනය කිරීමට රාජ්‍ය මැදිහත්වීම ඇතත් රෝගි වු පුද්ගලයන් සඳහා සුභසාධන වැඩ පිලිවෙලක් නැත. මේ නිසා රෝගීන්ට බෙහෙත් ආහාරපාන ඇඳුම් පැලඳුම් ලබා ගැනීමට උපකාර කිරිමත් එම පවුල්වල දරුවන්ට අධ්‍යාපන උපකාර කිරිමත් සඳහා මෙම වැඩසටහන ආරම්භ කොට ඇත. මේ වැඩසටහන දියුණු කිරීම අත්‍යවශ්‍ය සමාජ සුභසාධනයකි.
- පුස්තකාලය සන්නිවේදන හා තොරතුරු තාක්ෂණ මධ්‍යස්තානයක් පවත්වාගෙන යාම
දරුවන් හා වැඩිහිටියන් සඳහා මෙම ගම්මානවල පුස්තකාලයක් හා තොරතුරු මධ්‍යස්ථානයක් නොමැති විම බලවත් අඩුපාඩුවකි. මේ නිසා දැනට ඇති කුඩා පුස්තකාලය සංවර්ධනය කොට තොරතුරු හා තාක්ෂණ මධ්‍යස්ථානයක් ආරම්භ කිරීම අරමුණයි . මේ සඳහා සුදුසු ගොඩනැගිල්ලක් සෑදිමට බලාපොරොත්තු වේ. ඒ සඳහා රුපියල් මිලියන තුනක් (03) පමන අවශ්‍යව ඇත. මධ්‍යස්ථානයට අවශ්‍ය උපකරන, පොත්පත්, තාක්ෂණ මෙවලම් සඳහා රුපියල් මිලියන හතරක් (04) අවශ්‍ය බව ගණන් බලා ඇත. මේ මධ්‍යස්ථානය පවත්වාගෙන යාමෙන් ළමුන් හා වැඩිහිටියන් දහසකට පමණ සෙතක් සැලසේ.
ආධාර කරන්න
පින්වත් ඔබගේ ආධාර පහත ගිණුමට බැරකළ හැකිය
ගිණුමේ නම – විහාරාධිපති හිමි ගිණුම
ගිණුම් අංකය – 226200260008099
බැංකු ශාඛාව – කුරුණෑගල
ඔබ බැංකුවට මුදල් බැර කරන්නේ නම්, බැංකුවෙන් ලැබෙන රිසිට් පතෙහි පිටපතක් අප වෙත යෙමුකරන්න.
~ විහාරාධිපති ස්වාමීන් වහන්සේ ~
මෙම විහාරස්ථානයේ විහාරාධිපති හිමි වලස්වැවේ ඥාණරතන නා හිමියන්ය.උන්වහන්සේ වයස අවුරුදු 9 දී පැවිදි භුමියට පත් වු අතර දැන් අවුරුදු 65 වියේ පසුවෙති. කුරුණෑගල දිස්ත්‍රික්කයේ ප්‍රධාන අධිකරණ සංඝනායක තනතුර දරන උන්වහන්සේ ශ්‍රි ලංකාවේ සියළුම පිරිවෙන් අධ්‍යාපන භාර අධ්‍යාපන අධ්‍යක්ෂ ජනරාල් ලෙස සේවය කොට විශ්‍රාම ලබා සිටිති. රාජකිය පණ්ඩිත, ශාස්ත්‍රපති, ත්‍රිපිටකවේදි, පුස්තකාල, විද්‍යා ආදි උපාධි ලබා ඇති උන්වහන්සේ සාරිපුත්ත අධ්‍යාපන විද්‍යා පීඨයේ ප්‍රමුඛාචාර්යවරයෙකු ලෙස ද ජාතික අධ්‍යාපන ආයතනයේ බාහිර කථිකාචාර්යවරයෙකු ලෙසද සේවය කොට ඇත. කුරුණෑගල ප්‍රදේශයේ විහාරාධිපති සංගමයේ සභාපති වන්නේ ද මුන් වහන්සේය.
අපව සම්බන්ධ කරගන්න
පහත දුරකතන අංක ඔස්සේ විහාරස්ථානය සම්බන්ධ කරගත හැකි අතර, බොහොමයක් විහාරස්ථාන පිහිටා ඇත්තේ ඉතා දුෂ්කර ප්‍රදේශවල බැවින් ඊමේල් ඔස්සේ සම්බන්ධ කරගැනීමට අපහසු විය හැකි බව කරුණාවෙන් සළකන්න.
ඊමේල් ලිපිනය
info@gurugodaviharaya.org.lk
දුරකතන අංකය
0766389550
ලිපිනය
ගුරුගොඩ විහාරය, හාතිගමුව, පොල්පිතිගම
විහාරස්ථානයේ පිහිටීම
මෙම වෙබ් අඩවිය සමාජජාල මාධ්‍ය ඔස්සේ බෙදාහරින්න…