ජයසිංහාරාමය

තංගල්ල දංකැටිය ජයහිංහාරාමය මහා විහාරස්ථානය භික්ෂු පරපුරක් ලෙසින් ආරම්භ වී ඇත්තේ ක්‍රි.ව. 1914  වසරේදීය. ආදී කර්තෘන් වහන්සේ වන්නේ ජිනසාසනවංසාලංකාර අග්‍ර පණ්ඩිත අති පූජනීය මාරකොල්ලියේ අරියවංශ නාහිමියන්ය. තංගල්ල නගරයේ ඇති උසම චෛත්‍යරාජයා පිහිටා ඇත්තේ ජයසිංහාරාමයේ ‘රංගල්’ මහ වෙහෙර නමින්. මෙම වෙහෙර හඳුන්වන්නේ චෛත්‍ය ඉදිකර ස්ථානයේ රංගල් මතුවීම හේතු කරගෙනය. ඒ අනුව එම රංගල් පිහිටුවා  මෙම  චෛත්‍යය ඉදි වී ඇත. අප නාහිමියන් තම ස්වකීය දේපල මිල කොට අප්‍රතිහත උත්සාහයෙන් මෙම උතුම් වූ චෛත්‍ය රාජයාණන් වහන්සේ ඉදි කොට ඇත. නාහිමියන්ගේ ඇවෑමෙන් උන්වහන්සේගේ ශිෂ්‍ය පරියත්ති ශාසනාලංකාර  අතිපූජ්‍ය දොඩම්පහල පදුම නාහිමියන් විහාරාධිපති නාහිමියන් වශයෙන් පත් විය. උන්වහන්සේගේ අපවත් වීමෙන් පසු උන්වහන්සේගේ ශිෂ්‍ය පදුමනන්ද වංසාවකංස අරියවංසලංකාර  අතිපූජ්‍ය බෙලිකුඹුරේ  විජිත නාහිමියන් විහාරාධිපති ධූරයට පත්ව  විහාරස්ථානයේ සංවර්ධනයට සහ ප්‍රදේශවාසීන්ගේ ආදරයට ගෞරවයට පත් සුවිශාල බෞද්ධාගමික මෙහෙවරක් ඉටු කරමින් වැඩ සිටියි.

සිරි අරියවංශ දහම්පාසල

සිරි අරියවංශ දහම්පාසල නමින් දහම් පාසලක් 1984 වර්ෂයේ ළමුන් 24 දෙනෙකුගෙන් ආරම්භ කළ අතර ඉන් සිදුවූ ආගමික මෙහෙවර ඉතා අගය කළ යුතුය. දැනට ළමයින් 200 ක් පමණ එහි දහම් අධ්‍යාපනය ලබති. මේ සඳහා දෙමහල් 100 / 40 ප්‍රමාණයේ ගොඩනැගිල්ලක් ඉදි කළ යුතුව ඇත. මේ සඳහා පුණ්‍යකාමී පිංවත් සැමගේ ආධාර උපකාර බලාපොරොත්තු වෙමු.

ආධාර කරන්න 

පින්වත් ඔබගේ ආධාර පහත ගිණුමට බැරකළ හැකිය

ගිණුමේ නම – ජයසිංහාරාමය
ගිණුම් අංකය –  340384269
බැංකු ශාඛාව – තංගල්ල

ඔබ බැංකුවට මුදල් බැර කරන්නේ නම්, බැංකුවෙන් ලැබෙන රිසිට් පතෙහි පිටපතක් අප වෙත යෙමුකරන්න.