දහම් පාසල

හම්බන්තොට දිස්ත්‍රික්කයේ වීරකැටිය ප්‍රාදේශීය ලේකම් කොට්ඨාශයේ මණ්ඩාඩුව ග්‍රාම සේවා වසමේ පිහිටා ඇති කපුගම්පොත පුරාණ මහා විහාරස්ථානයේ දහම් පාසලක් නොතිබූ යුගයේ එවකට විහාරාධිපති වැඩ සිටිය පූජ්‍යපාද පල්ලෙමුලනේ සරණංකර හිමිපාණන් වහන්සේ වීරකැටිය මහ බැදිගම පුරාණ මහා විහාරස්ථානයේ සාමන්තගිරි දහම් පාසලේ දහම් අධ්‍යාපනය ලබා දුනි.

ඉන් අනතුරුව, කපුගම්පොත පුරාණ විහාරස්ථානයේ 1950දී එවකට විහාරාධිපතිව වැඩ සිටි පූජ්‍යපාද ගුරුවල ගුණරතන හිමිපාණන් වහන්සේට ගෞරවයක් ඇති වීම පිණිස ශ්‍රී ගුණරතන  දහම් පාසල නමින් දරුවන් 25 කින් පමණ ආරම්භ කළ දහම් පාසල වර්තමානයේ වීරකැටිය ශාසනාරක්ෂක බල මණ්ඩලයේ ලේඛකාධිකාරී ධූරය දරන පූජ්‍ය මිද්දෙනියේ ඥාණරතන හිමියන්ගේ ප්‍රධානාචාර්යත්වයෙන් හා කපුගම්පොත පුරාණ මහා විහාරාධිකාරි බාල්පත්දෙනිය පිරිවෙනේ ආචාර්ය පූජ්‍ය ගුලගහ ඉන්දරතන හිමියන්ගේ අනුශාසනා  පරිදි ගුරු භවතුන් 13 දෙනෙකුගෙන් සමන්විතව දරු දැරියන් 400 ක් පමණ දහම් අධ්‍යාපනය ලබන ලේකම් කොට්ඨාශයේ දීප්තිමත් දහම් පාසලක් ලෙස නම් දරා ඇත.

~ විහාරාධිපති ස්වාමීන් වහන්සේ ~

වීරකැටිය, කටුගම්පොත පුරාණ රජමහා විහාරස්ථානයේ වර්තමාන විහාරාධිපති හිමියන් හැටියට දායක පින්වතුන්ගේ කුදු මහත්, ආගමික හා සාමාජික, ජාතික වශයෙන් ශාසනික කටයුතු සිදු කරමින් ඓතිහාසික මුල්කිරිගල රාජමහා විහාරස්ථානයේ මූලගිරි මහ පිරිවෙනෙහි නියෝජ්‍ය පරිවේණාධිපති හා වීරකැටිය ශාසනාරක්ෂක බල මණ්ඩලයේ ලේඛකාධිකාරී ධූරයක් මුළු දිවයිනටම සාමවිනිසුරු පදවිය ආදී තනතුරු දරමින් පැවිදි ශිෂ්‍ය හිමිවරු 7 දෙනෙකු සසුනට  දායාද කරමින් සම්බුද්ධ ශාසනයට උදාරතර සේවාව සිදු කරන බව සතුටින් දන්වා සිටිමි.