01 චෛත්‍යරාජයාණන්වහන්සේ

2019 වසර වන විට විහාරස්ථානය ආරම්භ කොට වසර එකසිය විසි අටක් වුවත් මේ දක්වා මෙහි චෛත්‍යරාජයාණන්වහන්සේ නමක් ඉදි කර ගන්නට නොහැකි වී ඇත.

මේ සදහා අප දායක සභාවේ විශේෂ අවධානය යොමු කලත් අඩු ආදායම් ලාභී පවුල් වල සාමාජිකයන් වන ඔවුන් හට පමණක් මේ කාර්ය ඉටු කර ගැනීමට නොහැකි හෙයින් දෙස් විදෙස් ධානපති පරිත්‍යාගශීලින්ගේ උපකාරය ලැබුණ හොත් ති‍්‍රවිධ චෛත්‍යයන්ගෙන් සමන්විත වූ විහාරස්ථානයක් බවට අප විහාරස්ථානය ද පත් කර ගන්නට හැකි වනු ඇත.

මේ සදහා ඇස්තමේන්තු ගත මුදල රුපියල් ලක්ෂ තිස් අටකි.  රු. 3800000. 00

02 පොහොය ගෙය හෙවත් සීමා මාලකය

1973 වසරේ ඔක්තෝබර් මස 12 වන දින මෙම විහාරස්ථානයේ පොහොය ගෙය හෙවත් සීමා මාලකය පිහිටුවීම සිදු කොට ඇතත් මේ දක්වා එහි ගොඩනැගිල්ලක් ඉදි කර ගැනීමට නොහැකි වී ඇත.

මේ නිසා වර්ෂා දිනයන්හි දී භික්ෂූන්වහන්සේලාගේ විනය කර්ම සිදු කර ගැනීමට වෙනත් විහාරස්ථානයකට යාමට සිදුව ඇත.

මේ සදහා ඇස්තමේන්තු ගත මුදල රු ලක්ෂ තිස් දෙකකි.  රු 3200000. 00

03 ප‍්‍රධාන මාවත දෙපස වාහල්කඩ සහිත ප‍්‍රාකාරය

විහාරස්ථානයට අලංකාරයක් මෙන්ම ආලෝකයක් ලැබෙනුයේ ප‍්‍රධාන මාවත දෙපස ප‍්‍රාකාරයක් මෙන්ම වාහල්කඩක් ඉදි කර ගැනීමෙන්ය.

ඉතා කඩිනමින් සිදු කර ගත යුතු මෙම කාර්ය සදහා ඇස්තමේන්තු ගත මුදල රු ලක්ෂ විසි අටකි. රු 2800000 00

04  ධර්මශාලා මන්දිරයක්

1975 වසරේ ඉදි කර ඇති ධර්ම ශාලාව මේ වන විට වහලය දිරා පත්ව ඇති අතර විශාල බෝ මුල් යාම හේතුවෙන් ඇතුළත බිත්ති හා පොළව ද ඉරි තලාගොස් ඇත.

මේ නිසා වර්තමානයට ගැලපෙන අයුරින් ප‍්‍රමාණවත් නව ධර්මශාලාවක් ඉදි කර ගැනීමට අපේක්ෂා කරන අතර ඒ සදහා ද දෙස් විදෙස් ධානපතීන්ගේ උපකාරය අප බලාපොරොතේතු වෙමු.

05 දේවාල මන්දිරයක්

විහාර මන්දිරය තුළම විශ්ණු කතරගම දෙවියන්ගේ ඡුායාරූප දෙකක් තබා වන්දනා කිරිම් සිදු කරන මෙම විහාරස්ථානයේ දායක පින්වතුන්ට බෝධි පූජා පිංකමක් සිදු කර ගත්ත ද සෙත් කවි කියවා ගැනීමට හා විභාගයට යන දරුවනට රෝගී වූ දෙමාපිය්නට දේව ආශීර්වාදය ලබා ගැනීමට දුර බැහැට යාමය සිදුව ඇත.

මේ පිළිබද අපගේ අවධානය යොමුව ඇති අතර දානපතියෙකු හෝ ආයතනයක් ඉදිරිපත් වන්නේ නම් මෙහි දේව මන්දිරයක් ඉදි කොට බැතිමතුන්ට වන්දනා කර ගැනීමට අවස්ථාව සළසා දිය හැකිය.

ඒ සදහා ඇස්තමේන්තු ගත මුදල රු ලක්ෂ විසි දෙකකි රු. 2200000. 00