ශ්‍රී ආර්යසිංහාරාමය

අලවල 364 ග්‍රාම සේවා වසමේ පිහිටි දේවින්පැන්නැල්ල ශ්‍රී ආර්යසිංහාරාම විහාරස්ථානය අත්තනගල්ල ශාසනාරක්ෂක බල මණ්ඩලයේ අංක/බොකො/විහාරදේ/02/27/071 යටතේ ලියාපදිංචි කර ඇති විහාරස්ථානයක් බව මෙහිලා සඳහන් කරමු.

සියනෑ කෝලරයේ සබරගමු පළාතට මායිම්ව  සුන්දර වූ අත්තනගලු ඔය අසබඩ පරිසර හිතකාමී සෞන්දර්යයනේ අනූන වූ හැඩ භූමියක පිහිටි විහාරස්ථානය 1925 දී පමණ රාගම පල්පොල සිට අලවල රජයේ මිශ්‍ර පාසලට සේවය සඳහා පැමිණි ඇම්.ඇස්. ආර්යසිංහ මහත්මා විසින් ප්‍රදේශයේ ජනතාවගේ ආගමික වතාවත් ඉටු කර ගැනීම සඳහා මහත් වූ අභිලාෂයක් එතුමාගේ සිය ධන පරිත්‍යාගයෙන් ආරම්භ කරන ලදී. මෙම විහාරස්ථානය ප්‍රදේශයේ දුප්පත් දායකකාරකාදීන්ගේ ධෛර්යයෙන් අනන්ත වූ  බාධක මධ්‍යයේ අද දක්වා ගමන් කර ඇති බව දන්වා සිටිමු.

දැනට විහාරස්ථ සතර පේරුවේ දායක කාරකාදීන්ගේ නිවෙස් 450 කගේ පමණ ආගමික සහ සාමාජික අවශ්‍යතාවයන් ඉටු කිරීම  සඳහා වත්මන් විහාරාධිපතින්වහන්සේ වන අමරපුර සද්ධම්මයුක්තික මහා නිකායේ කොළඹ පළාත් සංඝ සභාවේ ලේඛකාධිකාරි විදුහල්පති පූජ්‍යපාද කන්දේගම ධම්මානන්ද මාහිමිපාණන්වහන්සේගේ හා විහාරාධිකාරී කොස්ගොල්ලේ චන්දවිමල  හිමියන්ගේ අනුශාසකත්වය යටතේ ප්‍රදේශයේ පැරණිම විහාරස්ථ කාර්ය සාධක සමිතිය පෙරටු කර ගනිමින් ශ්‍රී ඤාණානන්ද ඉරු දින දහම් පාසල / සහන සේවා බොදු යොවුන් පදනම / එක්සත් බෞද්ධ සමිතිය / පානීය ජල යෝජනා සමිතිය / සර්වෝදය ශ්‍රමදාන සමිතිය / සමෘද්ධි සමිතිය / ශීල සමිතිය / ආර්යසිංහාරාම සංවර්ධන අරමුදල  අවමංගල්‍යාධාර  හා සුභ සාධක සමිතිය / විහාරස්ථානයේ මෙන්ම ප්‍රදේශවාසීන්ගේ උන්නතිය සඳහා චිරස්ථායී සහජීවනයකට වගකීමෙන් යුතුව සක්‍රිය ක්‍රියා කරනු ලබයි.

එසේම පසුගිය කාලවකවානුව තුළ විහාරස්ථානයකට තිබිය යුතු අංග කිහිපයක් සපුරාලීමට අපට හැකිවිය. මෙම පුණ්‍ය භූමියේ ඉදිරි පෙළගැස්ම වූයේ බෝධි ප්‍රාකාරය ඉදිකිරීමය. එසේම අංග සම්පූර්ණ ධර්ම ශාලාවක් / ආවාස ගෙයක් / දාන ශාලාවක් / පැන් පහසුව සඳහා ආරක්ෂිතව ඉදි කළ ලිඳක් / සහ ශ්‍රී බුද්ධ චරිතය විදහා දැක්වෙන පිංතූර රාමු  100 කින් සමන්විත අලංකාර බුද්ධ මන්දිරය සහිත ධම්මචක්කපවත්තන දේශනාව පිළිබිඹු කෙරෙන දහ අට රියන් උස බුද්ධි ප්‍රතිමා වහන්සේ  සාදා නිමකළ බව ඉතා සතුටින් දැනුම් දෙමු.

අප විහාරස්ථානයේ නඩත්තු කටයුතු සඳහා කිසියම් හෝ ආදායම් මාර්ගයක් නොමැති බව ද ප්‍රකාශ කරමි.

ශ්‍රි ඥාණානන්ද  දහම් පාසල

වර්ෂ 1980 අප්‍රේල් මස 04 වන දින පෙ.ව. 8.20 ට යෙදුණු සුභ මොහොතින් ආරම්භ කරන ලදී. සිසුන් 128  දෙනෙක්ගෙන් හා  ගුරුවරු 10 දෙනෙකුගෙන් සමන්විත විය.  පූජ්‍ය වැටරඹ ඤාණානන්ද නායක හිමියන් වහන්සේ සිහිපත් කරනු වස් මෙම දහම් පාසල අලවල  දේවින්පැන්නැල්ල ශ්‍රී ඤාණානන්ද දහම් පාසල යැයි නම් කරන ලදී. පුරා වසර 40 ක් පමණ පැරණි මෙම දහම් පාසලේ දැනට සිසුන් 350 ක් හා ගුරුවරු 20 ක් සිටියි.

ආධාර කරන්න 

පින්වත් ඔබගේ ආධාර පහත ගිණුමට බැරකළ හැකිය

ගිණුමේ නම – විහාරස්ථ කාර්යසාධක
ගිණුම් අංකය – 3156871
බැංකු ශාඛාව – නිට්ටඹුව

ඔබ බැංකුවට මුදල් බැර කරන්නේ නම්, බැංකුවෙන් ලැබෙන රිසිට් පතෙහි පිටපතක් අප වෙත යෙමුකරන්න.