දැන් ඔබ මේ වෙන කොට ආනාපානසති භාවනාව පිළිබඳවත්, හොඳ සිහි නුවණින් යුක්තව සෑම කටයුත්තක්ම කිරීම ගැනත් ඔබ ඉගෙන ගෙන තියෙනවා. ඊළඟට ඉගෙන ගන්නේ සක්මන් භාවනාව...
සතර සතිපට්ඨානය තුළ ඉරියාපථ භාවනාව
read more
ශ්‍රී නන්දාරාම පුරාණ විහාරය
ශ්‍රී ලංකාවේ දකුණු පළාතේ හම්බන්තොට දිස්ත්‍රික්කයේ බෙලිඅත්ත ඡන්ද බල ප්‍රදේශයේ බෙලිඅත්ත ප්‍රාදේශීය ලේකම් කාර්යාලයට අයත් බෙලිඅත්තේ සිට වීරකැටිය පාරේ කි.මී 3 ½ ක් පමණ එන විට පහළ බෙලිගල්ල ග්‍රාමයේ පාර අද්දරම දකුණු පස මෙම ශ්‍රී නන්දාරාම පුරාණ විහාරය පිහිටා ඇත. 1775 දී පමණ ආරම්භ කර ඇති මෙම විහාරස්ථානය 2006 සැප්. 29 දින බෞ.කො./විහාදේ/09/30/008 අංකය යටතේ බෞද්ධ කටයුතු දෙපාර්තමේන්තුවේ ලියාපදිංචි කර ඇත.
මෙම විහාරස්ථානය බෙලිගල්ල දකුණ – 315 යන ග්‍රාමසේවා වසමේ පිහිටා ඇති අතර බෙලිගල්ල උතුර – 314 ග්‍රාම සේවා වසමේ දායක පිංවතුනුත් ආගමික කටයුතු සඳහා දායකත්වය ලබා දෙති. 2011 නොවැම්බර් 04 දින බෞ.කො./ සං 8/ දාස / හම් / බෙලි-29 යන අංකය යටතේ දායක සභාව බෞද්ධ කටයුතු දෙපාර්තමේන්තුවේ ලියාපදිංචි කොට ඇත. දායක සභාවේ ගරු සභාපති ලෙස පූජ්‍ය වාඩියේ අමරජෝති නාහිමි නිල වශයෙන් පත්ව ඇති අතර ගරු ලේකම් ධූරය හොබවනු ලබන්නේ ඩී.එස්.කේ. දේවසිරි මහත්මා ය. ගරු භාණ්ඩාගාරික ධූරය සිසිර වඩුමේත්‍රිගේ මහත්මා විසින් හොබවනු ලබයි.
පුවත් ~ News
මෙම විහාරස්ථානයේ සිදුකරන ආගමික වැඩසටහන්, ආධාර අවශ්‍යතා සහ දහම් කරුණු පිළිබදව තොරතුරු පහතින් දක්වා ඇත. සම්පුර්ණ පුවත කියවන්න “වැඩිදුර කියවන්න” බොත්තම ඔබන්න.
භාවනාවේ මූලික කරුණු
භාවනාව තුළින් ඔබේ මිනිස් ජීවිතය වඩාත්ම සුවපත් කරන අතර වඩාත්ම අර්ථවත් කරයි. භාවනා කිරීම කියන්නේ ඔබේ සිත දියුණු කරගන්නා සුවිශේෂී ක්‍රමයකටයි. අපට මේ...
පෘථග්ජන පුද්ගලයා කවරෙක් ද?
බෞද්ධයෝ බොහෝ කලක සිට නිවැරදි අර්ථය නොසළකා ‘පෘථග්ජන’ යන වචන ව්‍යවහාර කරන්නට පුරුදුව සිටිති. තමන්ගේ ඇතැම් දුර්වලතා සාධාරණීකරණය කරගැනීමට ද ‘අපි ඉතින්...
ආයාචිතභත්ත ජාතකය ~ දෙවියන්ට භාරහාර වූ මිනිසුන්ගේ කථාව
අදටත් සමහර උදවිය තමන්ගේ කටයුතු සාර්ථක වෙන්න කියල දෙවියන්ට භාරහාර වෙනවා. දේවදාන දෙනවා. ඇතැම් ආගම්වල අදටත් භාර ඔප්පු කිරීම පිණිස සතුන් මරා බිලි දෙනවා....
කණ්හ ජාතකය ~ කළු වෘෂභයාගේ කථාව
වගකීම් හැමෝටම දරන්ට බෑ. ඕනෑම වගකීමක් දරන්ට පුළුවන් අය ඉන්නවා. අපගේ භාග්‍යවතුන් වහන්සේ අන්න එබඳු උත්තමයෙක්. දවසක් අපගේ භාග්‍යවතුන් වහන්සේ අසවල් දවසේ...
තේලපත්ත ජාතකය ~ තෙල් පාත්‍රය මුල් කොට වදාළ කථාව
පින්වතුනේ, පින්වත් දරුවනේ, ජීවිතයේ බොහෝ ආරවුල්, අර්බුද, ගැටළු හටගන්නේ ඉන්ද්‍රියයන් අසංවර වීමෙනුයි. ඉන්ද්‍රිය සංවර නොකර ගැනීමෙන් පැවිදි ජීවිතය පවා...
ඡායාරූප ගැලරිය ~ Photo Gallery
මෙම විහාරස්ථානය බෙලිගල්ල දකුණ – 315 යන ග්‍රාමසේවා වසමේ පිහිටා ඇති අතර බෙලිගල්ල උතුර – 314 ග්‍රාම සේවා වසමේ දායක පිංවතුනුත් ආගමික කටයුතු සඳහා දායකත්වය ලබා දෙති.
“මෙම පුණ්‍ය භූමිය සඳහා අවශ්‍ය දෑ පහත පරිදි දැක්විය හැකිය.”
මෙම විහාරස්ථානයේ අවශ්‍යතා සොයාබලා ඔබට හැකි අයුරින් ආධාර කරන්න. විහාරස්ථානයේ වර්තමාන තත්වය දැනගැනීමට සැමවිටම විහාරාධිපති ස්වාමින් වහන්සේ දුරකථනය ඔස්සේ හෝ චැට් පණිවිඩයක් ඔස්සේ සම්බන්ධ කරගන්න. මෙම තොරතුරු යාවත්කාලින කරන ලද්දේ 2020 ජනවාරි 23 වෙනි දිනදීය.
ආධාර අවශ්‍ය කාරණා
- ඉදි කිරීමට යෝජිත කාමර 06කින් යුතු නව දෙමහල් සංඝාවාස ගොඩනැගිල්ලට ආධාර ලබා ගැනීම (මූල්‍යමය හා ද්‍රව්‍යමය ආධාර)
- වන්දනා ගමන් යන බැතිමතුන්ට පැමිණ නවාතැන් ගැනීමට අවශ්‍ය ඉඩ පහසුකම් සැලසීම සඳහා කාමර දෙකක්, මුළුතැන් ගෙයක් සහිත ඊට යාබද වැසිකිලි කැසිකිලි කිහිපයකින් යුත් දිග ශාලාවක් සහිත ගොඩනැගිල්ලක් ඉදි කර ගැනීමට මුල්‍යමය සහ ද්‍රව්‍යමය ආධාර
ආධාර කරන්න
පින්වත් ඔබගේ ආධාර පහත ගිණුමට බැරකළ හැකිය
ගිණුමේ නම – නන්දාරාම විහාරස්ථ දායක සභාව
ගිණුම් අංකය – 24420017000960
බැංකු ශාඛාව – බෙලිඅත්ත
ගිණුමේ නම – පහළ බෙලිගල්ල නන්දාරාම පුරාණ විහාර සංවර්ධන සමිතිය
ගිණුම් අංකය – 244200100018152
බැංකු ශාඛාව – බෙලිඅත්ත
ඔබ බැංකුවට මුදල් බැර කරන්නේ නම්, බැංකුවෙන් ලැබෙන රිසිට් පතෙහි පිටපතක් අප වෙත යෙමුකරන්න.
දහම් පාසල
අප විහාරස්ථානයේ පවත්වා ගෙන යන සිරි විමලජෝති ජයන්ති දහම් පාසල 1956.05.12 දින ආරම්භ කර ඇති අතර ප්‍රධානාචාර්යවරයා ලෙස වත්මන් විහාරාධිපති පූජ්‍ය වාඩියේ අමරජෝති නාහිමි කටයුතු සිදු කරයි. ගුරු භවතුන් 16 දෙනෙක් පමණ දහම් පාසල පවත්වා ගෙන යාමට දායකත්වය ලබා දෙන අතර සිසු දරුවන් 175 ක් පමණ දහම් අද්‍යාපනයෙහි නිරතව සිටිති. මෙම දහම් පාසල බෞද්ධ කටයුතු දෙපාර්තමේන්තුවේ 2003 සැප්. 24 වන දින 33/30/ද.පා./ලි./ 2542 යන අංකය යටතේ ලියාපදිංචි කර ඇත.
~ විහාරාධිපති ස්වාමීන් වහන්සේ ~
1969.02.26 දින ප්‍රවෘජ්‍ය භූමියට ඇතුළත්ව 1976 ජුනි මස 09 දින උපසම්පදාව ලබා කැළණිය විශ්ව විද්‍යාලයෙන් සිංහල විෂය පිළිබඳ ගෞරව ශාස්ත්‍රවේදී (දෙවන පෙළ – ඉහළ) උපාධිය ලබා කොළඹ 10, මාළිගාකන්ද මහා විද්‍යාලයේ (වත්මන් මහින්ද විද්‍යාලය) උපගුරුවරයකු සහ නියෝජ්‍ය විදුහල්පතිවරයෙකු වශයෙන්ද කොළඹ 10, අසෝක විද්‍යාලයේ උප ගුරුවරයෙකු වශයෙන්ද, බෙලිඅත්ත, ඉහළ බෙලිගල්ල මහා විද්‍යාලයේ උපගුරුවරයෙකු හා නියෝජ්‍ය විදුහල්පතිවරයෙකු වශයෙන්ද, ගුරු ක්ෂේත්‍රයේ සේවය කොට 2016.02.12 දින පූජ්‍ය වාඩියේ අමරජෝති නාහිමි විශ්‍රාම ලැබූහ. අමරපුර සිරිසද්ධම්මවංස මහා නිකායේ මාතර හම්බන්තොට දෙදිසාවේ උප ප්‍රධාන සංඝනායක සිරි සුම‍නජෝති වංසාවතාංස සිරි සුගතසාසන සෝභන විශ්‍රාමලත් නි. විදුහල්පති ගෞරව ශාස්ත්‍රපති පූජ්‍ය වාඩියේ අමරජෝති නාහිමියෝ පහළ බෙලිගල්ල ශ්‍රී නන්දාරාම පුරාණ විහාරස්ථානයේ විහාරාධිපති ධූරය හොබවමින් වැඩ සිටිති.
අපව සම්බන්ධ කරගන්න
පහත දුරකතන අංක ඔස්සේ විහාරස්ථානය සම්බන්ධ කරගත හැකි අතර, බොහොමයක් විහාරස්ථාන පිහිටා ඇත්තේ ඉතා දුෂ්කර ප්‍රදේශවල බැවින් ඊමේල් ඔස්සේ සම්බන්ධ කරගැනීමට අපහසු විය හැකි බව කරුණාවෙන් සළකන්න.
ඊමේල් ලිපිනය
info@srinandaramapuranaviharaya.org.lk
දුරකතන අංකය
047-2243737 / 071-4475285 / 0777463542
ලිපිනය
ශ්‍රී නන්දාරාම පුරාණ විහාරය, පහළ බෙලිගල්ල, ඉහළ බෙලිගල්ල.
විහාරස්ථානයේ පිහිටීම
මෙම වෙබ් අඩවිය සමාජජාල මාධ්‍ය ඔස්සේ බෙදාහරින්න…