දහම්පාසල

හොරපාවිට ගමට ඉතා අවශ්‍යව තිබූ දහම්පාසල 1966 ජනවාරි 06 දිනට එවකට පෝය නිවාඩුව නිමිති කරගෙන දායක සභාවේ මූලිකත්වයෙන් පණ්ඩිත නාරන්දෙනියේ පඤ්ඤාරතන ස්වාමින්වහ්නසේ ළමයි කීප දෙනෙකුගේ සහභාගිත්වයෙන් ආරම්භ කර ප්‍රදේශයේ උසස් දහම්පාසල බවට වසරින් වසර පත් විය. අද වන විිට ළමයි 500 ඉක්මවා ඇත. 1986 දක්වා මූලිකත්වය ගෙන කටයුතු කළ අතර එයින් පසු හොරපාවිට පඤ්ඤාතිලක හිමියන්ගේ ප්‍රධානත්වයෙන් 2014 දක්වා පවත්වාගෙන අවුත් දැනට ප්‍රධානාචාර්ය ධූරය කැටියපේ පේමරතන හිමියන් සිදු කරනු ලබයි.

ශ්‍රී විජය සුන්දර පිරිවෙන

හොරපාවිට ශ්‍රී විජය සුන්දර පිරිවෙන ආරම්භ කරන ලද්දේ 1991 ජනවාරි 01 දින සිටයි. මුල්ම කෘත්‍යාධිකාරීන්වහන්සේ වශයෙන් රන්සෑගොඩ සෝරත ස්වාමීන්වහන්සේගේ කෘත්‍යාධිකාරිත්වයෙන් ගැසට් කරන ලදී. මුල්ම පරිවේණාධිපති රන්සෑගොඩ පඤ්ඤාසේකර ස්වාමීන්වහන්සේය.  එයින් පසු 1993 වසරේ සිට හොරපාවිට පඤ්ඤාතිලක ස්වාමීන්වහන්සේ සේවය කළ අතර වර්තමානයේ ලිකොලවැව විමලරතන හිමියන් පරිවේණාධිපතිත්වය දරයි.

~ විහාරාධිපති ස්වාමීන් වහන්සේ ~

හොරපාටිව ශ්‍රී විජය සුන්දර පිරිවෙන් විහාරාධිපති ශ්‍රී ලංකා රාමඤ්ඤ මහා නිකායේ ජ්‍යෙෂ්ඨ කාරක සංඝ සභික හොරපාවිට ශ්‍රී විජය සුන්දර පිරිවෙන්හි කෘත්‍යාධිකාරී මූලටියන ශාසනාරක්ෂක බලමණ්ඩලයේ නි. සභාපති සමථ මණ්ඩලයේ ගරු සභික විශ්‍රාමලත් පරිවේණාධිපති දිවයිනට ම සාම විනිසුරු සිරි සද්ධම්ම වාගීෂ්වාරාචාර්ය ධර්ම විශාරද පණ්ඩිත ජනසරණ කීර්ති ශ්‍රී ත්‍රිපිටකවේදී අතිපූජ්‍ය හොරපාවිට පඤ්ඤාතිලක මහා ස්වාමින්වහන්සේගේ ජීවන චරිතයෙන් බිඳක් රචනා කිරීමට මම කල්පනා කළෙමි.

            මුන්වහන්සේගේ   ගිහි නම නන්දසේන මලවර ආරච්චි නමයි. මුන්වහන්සේගේ පියා හොරපාවිට ප්‍රසිද්ධ නිවසක් වන හොරපාවිට පොහොනගොඩ ධර්මදාස මලවරආරච්චි මහතා ය. මාතර මහතා නමින් ප්‍රසිද්ධව ඇත. උන්වහන්සේගේ මව කැටියපේ කටුඉඹුල්ගහ  කොරටුවේ ගිමාරා හෙට්ටිආරච්චි මහත්මියයි. මුන්වහන්සේ 1953 ඔක්තෝබර් 12 වන දින උපත ලබා ඇත. කුඩා කල සිට පැවිද්දට හිමිකම් ලැබූ මුන්වහන්සේට පරම්පරාවෙන්ම මහනකම උරුමව පැවතුණි.