භාවනා ශාලාවක් සාදා ගෙන යනු ලැබේ. එහි දිග අඩි 80 කි. පළල අඩි 40  කි.  මේ ශාලාවෙහි බිමට ටයිල් අල්ලා දොර ජනෙල් සෑදීමට හා පින්තාරු කිරීමට ඇත. ඒ සඳහා රුපියල් මිලියන 2.5 ක් අවශ්‍ය බව ගණන් බලා තිබේ. මේ ශාලාව සෑදීමෙන් පසු එකවර පුද්ගලයන් 150කට සමූහ භාවනාවෙහි යෙදිය හැක.

භික්ෂූන් වහන්සේලා 30 නමකට වැඩ සිටිය හැකි භික්ෂු නේවාසිකාගාරය ද සාදා ගෙන යන්නෙමු. මෙහි වැඩ නිම කිරීමට රුපියල් මිලියන 8.9 ක මුදලක් අවශ්‍ය වී තිබේ.

මේ වැඩ  දෙකම නිම කිරීම අතිශයින් දුෂ්කර වී ඇත. ඉක්මනින් වැඩ නිමකළහොත් පැවිදි  ගිහි බොහෝ  පිරිසකට මහත් යහපතක් වේ.

බුදුරජාණන් වහන්සේගේ සහ රහතන් වහන්සේලාගේ ධතුන් වහන්සේලා අප වෙත ලැබී ඇත. මේ ධාතූන් වහන්සේලා තැන්පත් කොට වැඳුම් පිදුම් කිරීමට ප්‍රයෝජනවත්  ධාතු මන්දිරයක් සෑදීමට ආරම්භ කොට තිබේ. එය  30 x 30   පමණ දෙමහල් ගොඩනැගිල්ලකි. වැඩ නිම කිරීමට රුපියල් මිලියන 2.5 ක් පමණ අවශ්‍ය බව ගණන් බලා තිබේ. මේ කාර්ය අවසන් කළ විට දහස් ගණනක් බැතිමතුන්ට  පහසුවෙන් වන්දනාමාන කළ හැකි වේ.

බෝ නොවන දරුණු රෝගවලින් බොහෝ දෙනෙකු පීඩා විඳිති. වකුගඩු – පිළිකා හා වෙනත් රෝගවලට ගොදුරු වූ රෝගීන් අසරණ තත්ත්වයට පත් ව සිටිති.   ඒ අතර නිසි රැකවරණ නොලත් වැඩිහිටියන්ද අසරණ වී සිටිති. ආහාරපාන, ඇඳුම් පැලඳුම් හා නිවාස නිසි ලෙස නොමැති  ඉතා දිළිඳු පිරිස් වරින් වර හමු වේ. මේ අසරණ පිරිස් වෙත

1. මානසික සුවය ලබා දීම
2. අත්‍යවශ්‍ය ද්‍රව්‍ය ලබා දීම

මානසික සුවය සඳහා මේ පිරිසට උදව් විය යුතුය. ඔවුන් මානසිකව කඩා වැටී සිටිති.  එබැවින් ඔවුන් දිරිමත් කොට අවශ්‍ය මානසික ශක්තිය ලබා දීම, භාවනා හා පිරිත් පුහුණු කිරීම, සෙත් ශාන්ති කිරීම, බෝධි පූජා ආදිය සිදු කිරීම කරනු ලැබේ.

රෝගීන්ට  හා වැඩිහිටියන්ට මෙන්ම දිළින්දන්ටද බෙහෙත් ආහාර, ඇඳුම් පැලඳුම් ආදී ද්‍රව්‍ය අවශ්‍ය වේ. ඒ සඳහා අවශ්‍ය සුභසාධන සංවිධානය කළ යුතුය.

මේ වැඩ සටහන් දැනට හැකි පරිදි ක්‍රියාත්මක කරනු ලැබේ. ඒවා වැඩි දියුණු කොට පවත්වාගෙන යාම අරමුණයි. සාර්ථකව මෙය ක්‍රියාත්මක කිරීමට රු. මිලියන 4 ක් පමණ වැය වේ.

දැනට  අප විහාරයේ දිළිඳු පවුල්වල දරුවන් 18ක්  නේවාසිකව සිටිති. ඔවුන් සිටින නේවාසිකාගාරය පහසුකම් ඇති ලෙස සකස් කළ යුතුව ඇත. ඔවුන්ට ආහාර පාන හා ඇඳුම් පැලඳුම්, බෙහෙත්, පොත්පත් ආදිය ලබා දිය යුතුය.   මේ හැර දිළිඳු පවුල්වල සිටින දරුවන් සියයකට ආසන්න ප්‍රමාණයක් හඳුනාගෙන තිබේ. පාසල් අධ්‍යාපනය සඳහා අවශ්‍ය  සහාය  ඔවුන්ට ලබාදීම කළ යුතුව තිබේ. මෙයට මිලියන 5 ක් පමණ අවශ්‍ය වේ.

මෙම විහාරය මුල් කොට දිළිඳු පවුල්වල අයට කුඩා ව්‍යාපාර සඳහා ද කෘෂිකාර්මික කටයුතු හා කිරි හරක් පාලනය සඳහා උපදෙස් මෙන් ම සහාය වීමේ වැඩ සටහනක් ක්‍රියාත්මක වේ. එය වැඩි දියුණු කිරීම අපේක්ෂාවයි. මේ සඳහා මිලියන 2.5 ක් පමණ අවශ්‍ය බව ගණන් බලා ඇත.

මේ සියලුම වැඩ සටහන් අඛණ්ඩව දිගටම පවත්වාගෙන යාම අරමුණයි.  දීර්ඝ කාලීන වැඩ පිළිවෙලකි.