දහම්පාසැල

ශ්‍රී සෝණුත්තර නමින් දහම්පාසැලක් තිබේ. ළමුන් 800 ක් පමණ ඉගෙනුම ලබන අතර ගුරු මණ්ඩලය 18 දෙනෙක් පමණ නිස්සරණාධ්‍යාශයෙන්  සේවය කරනු ලැබේ.  අලව්ව ප්‍රාදේශීය  ශාසනාරක්ෂක බල මන්ඩලයේ හොඳම දහම්පාසැල වශයෙන් වසර කිපයක් ම තේරී පත් වි ඇත. 2019 වසරේ  ප්‍රාදේශීය දහම්පාසල් තරඟයෙන් ප්‍රතම ස්ථාන 17 ක් දිනාගෙන ඇත. දිස්ත්‍රික් දහම්පාසල් තරඟයට සුදුසුකම් ලබා ඇත. දරුවන්ගේ ආකල්ප වර්ධනය සහ යහපත් පැවැත්මක් සඳහා අවශ්‍ය වැඩසටහන්, සිල ව්‍යාපාර, ධර්මදේශනා, බෝධිපූජා, දානමාන, ආදිය නිතර සංවිධානය කෙරේ. ගරු කැලේගම මහින්ද හිමි ප්‍රධානාචාර්ය තනතුර හොබවයි.

පිරිවෙන

නුගවෙල ශ්‍රී සෝණුත්තර පිරිවෙන නමින්  ශිෂ්‍ය භික්ෂූන් වහන්සේලා 36 නමක් පමණ ධර්ම විනය ශබ්ද ශාස්ත්‍ර හදාරන ත්‍රිපිටක බුද්ධ  වචනයට මූලිකත්වය ලබා දෙමින් පාලි භාෂාව, සංස්කෘත භාෂාව, ඉංග්‍රිසි භාෂාව සහ සිංහල භාෂාව සහිතව වෙනත් විෂයයන් උගන්වන පිරිවෙනක්ද මෙම විහාරස්ථානයේ පිහිටා ඇත. ධර්ම දේශනා පුහුණුවට විශේෂ තැනක් මෙම ආයතනයේ දෙනු ලැබේ. පිලිවෙලට  සිවුරු  පෙරවිම, කෙස් රැවුල් කැපීම, සහ  ඇවතුම් පැවතුම් පිලිබඳව විශේෂ අවධානයක් යොමු කරවිම පිරිවෙනේ පරමාර්ථ අතර වේ. දෙමළ භාෂාව සහ වෙනත් භාෂා ඉගැන්විමට අවශ්‍ය කටයුතු ඉදිරියට සංවිධානය වෙමින් පවති.

~ විහාරාධිපති ස්වාමීන් වහන්සේ ~

වයඹ පළාතේ ප්‍රධාන අධිකරණ සංඝනායක ත්‍රිපිටකවේදි අතිගරු මකුල්වැවේ විමලජෝති නායක හිමිපාණන් වහන්සේ විහාරාධිපති දූරය හොබවයි. උන්වහන්සේ ත්‍රිපිටකය පිළිබඳ හසල දැනුමක් ඇති ඉංග්‍රිසි භාෂාවෙන් ධර්ම දේශනා කළ හැකි දක්ෂ හිමි නමකි.