තෙමහල් විහාර මන්දිරය

අතීත මුතුන් මිත්තන් විසින් අපට දායාද කොට ඇති මෙම වටිනා සංස්කෘතික උරුමය මතු පරපුර වෙනුවෙන් ද ආරක්ෂා කොට තැබීම අපගේ වගකිමයි.

ඒ වෙනුවෙන් වත්මන් විහාරාධිපති නාහිමියන් පරිත්‍යාගශිලී දායක පින්වතුන්ගේ සහයෝගය ලබා ගනිමින් යම් වැඩ කොටසක් ඉටු කර ඇතත් කඩිනමින් සම්පූර්ණ කළ යුතු කාර්යය් රැසක් එහි ඉතිරිව ඇත.

1. තෙවන මාලයේ දිරා පත්ව ඇති පරාළ හා උළු ඉවත් කොට නව පරාළ යොදා වහල සකස් කොට සිතුවම් කරණය සදහා සිවිලිම ගසා අලූත් උළු සෙවිලි කළ යුතුය.  ඇස්තමේන්තු ගත මුදල රු ලක්ෂ පහළවකි.  ( රු1500000. 00 )     

2. තෙවන මාලයේ විනාශ වි ඇති සිතුවම් හා මූර්ති අලූත් වැඩියා කොට සිතුවම් කරණය නොකළ කොටසෙහි සිතුවම් ඇන්දවීම කළ යුතුය. ඇස්තමේන්තු ගත මුදල රු ලක්ෂ විසි හතරකි.  ( රු 2400000. 00 )

3. දෙවන මාලයේ ඇති සූවිසි විවරණ සහිත සියළු සිතුවම් නැවත සායම් ආලේප කිරිම. ඇස්තමේන්තු ගත මුදල රු ලක්ෂ විස්සකි.  ( රු. 2000000. 00 )

මකර තොරණ දෙපස ප‍්‍රාකාරය නැවත තැනවීම

මාර්ග සංවර්ධය වීමත් සමග බෙලිඅත්ත තංගල්ල පාර ද පුළුල් වී ඇති හෙයින් විහාරස්ථානය ඉදිරිපස මකර තොරණ අභියස ප‍්‍රාකාරය ද නැවත ඉදි කළ යුතුව ඇත.

විදුලි බුබුළු සහිතව ඇත් රූප යොදා තනන මෙම ප‍්‍රාකාරයට ඇස්තමේන්තු ගත මුදල   රු. දොළාස් ලක්ෂයකි.  ( රු. 1200000. 00 )

ප‍්‍රතිසංස්කරණය කළ යුතු ගොඩනැගිලි

පොත් ගුල සහිත සීම මාලකය, සංඝාවාසය, හා දෙමහල් දාන ශාලාව ද කඩිනම් ප‍්‍රතිසංස්කරණයකට ලක් කළ යුතුව ඇත. ඇස්තමේන්තු ගත මුදල රු. ලක්ෂ විස්සකි.  ( රු. 2000000 00 )