ශ්‍රී නිග්‍රෝධාරාමය

අනුරාධපුර දිස්ත්‍රික්කයේ මැදවච්චිය ප්‍රාදේශීය ලේකම් කොට්ඨාශයේ කැබිතිගොල්ලෑව පාරේ ඉහළ තම්මැන්නාව නම් දුෂ්කර පිටිසර ගම්මානයක පිහිටි පංසලකි.
අනුරාධපුර දිස්ත්‍රික්කයේ මැදවච්චිය ප්‍රාදේශීය ලේකම් කොට්ඨාශයේ අංක 58 තුලාන ඉහළතම්මැන්නාව ලිපිනයෙහි ඇති අප විහාරස්ථානය මැදවච්චියේ සිට කැබිතිගොල්ලෑව පාරෙන් පැමිණෙන විට කි.මී. 3 පමණ පසුකල විට දකුණු පසට හැරී මී. 400 පමණ පැමිණීමෙන්  හමුවන දුෂ්කර ප්‍රදේශයක පිහිටා ඇති විහාරස්ථානයකි.

අපවත් වී වදාල අමරපුර සිරිසුමන දඹුලු පාර්ශ්වයේ අනුනායක පූජ්‍යපාද  ආනෙකට්ටිය කවිධජ අනුනාමිහිපාණන් වහන්සේ විසින් 1960 වර්ෂයේ ආරම්භ කළ වෙහෙර විහාරස්ථානවලින්  එක පන්සලකි. පසුකලෙක අපවත් වී වදාළ අපගේ ආචාර්යන් වහන්සේ වන පූජ්‍යපාද නුවර කලාවියේ ප්‍රධාන සංඝනායක පූජ්‍යපාද විරාගන්නොරුවේ  අනුරුද්ධ නාහිමිපාණන් වහන්සේ විසින් විහාරස්ථානය යම්තාක් දුරට සංවර්ධනයක් සිදු කර ඇති මුත් තවමත් වැඩ අවසන් නොවූ සංඝාවාස ගොඩනැගිල්ල, බෝධිප්‍රාකාරය, විහාර මන්දිරය සහ ධර්මශාලාව ආදී වැඩ කටයුතු රාශියක් ඇත. දායක පවුල් 130කින් පමණ යුක්ත වන අප විහාරස්ථානය දැනට වසර 40කට පමණ පැරණි දහම් පාසලක් පවත්වාගෙන යනු ලබයි. එහි ළමුන් 100කට අධික පිරිසක් අධ්‍යාපනය හදාරන අතර ගමෙන් වැඩි දායක පවුල් සංඛ්‍යාවක් දුෂ්කරව දිවි ගෙවන පිරිස වෙති.  අප ප්‍රදේශයේ වැලඳී ඇති රුදුරු වකුගඩු  රෝගයෙන් අප ගමෙහි දායක පවුල්වල මේ වන විට 20කට අධික පිරිසකට වකුගඩු රෝගය වැලඳී පීඩාවට පත්වී ඇත.

තවද විහාරස්ථානයේ ඉදිකර වැඩ අවසන් නොකළ ගොඩනැගිලි රාශියක් ඇති, අතර යටිතල පහසුකම් සහ අනිකුත් අඩුපාඩුකම් රාශියකින් යුත් විහාරස්ථානයක් වන අතර පිංවත් ඔබගේ ආධාර උපකාර බලාපොරොත්තු වෙමි.

ආධාර කරන්න 

පින්වත් ඔබගේ ආධාර පහත ගිණුමට බැරකළ හැකිය

ගිණුමේ නම –ශ්‍රී නිග්‍රෝධාරාම විහාරය
ගිණුම් අංකය – 143020029924
බැංකු ශාඛාව –බැංකුව හා බැංකු ශාඛාව

ඔබ බැංකුවට මුදල් බැර කරන්නේ නම්, බැංකුවෙන් ලැබෙන රිසිට් පතෙහි පිටපතක් අප වෙත යෙමුකරන්න.