ශ්‍රී සාලරුක්ඛාරාම විහාරය

වර්ෂ 2942 දී අමරපුර  සිරිසුමන දඩළු පාර්ශ්වයේ මහානායක අතිපූජනීය බූස්සේ ධම්මරක්ඛිත මහානායක හිමියන් පුහුදිවුල ග්‍රාමයට වැඩමක කර වැවයි දාගැබයි ගමයි පන්සලයි සංකල්පය තුළින් පුහුදිවුල වැව අසල කුටියක් සාදා පුහුදිවුල විහාරස්ථානය ඉදි කළේය. ඉන්පසුව ප්‍රධාන මාර්ගය අසල ඉඩම්හිමි දානපතියකුගේ පරිත්‍යාගයෙන් පූජා කළ අක්කර 10 ක ඉඩම් ප්‍රමාණය එළි පෙහෙළි කර එම ඉඩමෙන් හරි අඩක් පුහුදිවුල විදුහල හා ඒ අතර ඇති මාර්ගය සඳහා වෙන් කර ඉතිරි ප්‍රමාණයේ පුහුදිවුල පන්සල ඉදිකිරීමට අඩිතාලම යෙදීය. පසුව එම පාසල් භූමිය අතිපූජ්‍ය මාතර විමලරතන ස්වාමීන් වහන්සේගේ දැඩි උනන්දුව හා කැපවීම මත ගොඩනැගිල්ලක් ඉදි කර පුහුදිවුල විදුහල ආරම්භ කළහ. උන්වහන්සේගේ වීර්යත් දායක ශ්‍රමයත් සමග පුහුදිවුල විහාරස්ථානයේ ගොඩනැගීම් ද  මේ සමග සිදු විය. ඉන්පසුව පුහුදිවුල ග්‍රාමයේම විජිතසිරි නමින් පැවිදි වී උන්වහන්සේ කලක් විහාරස්ථානයේ අභිවෘද්ධිය වෙනුවෙන් වැඩ වාසය කළද හදිසියේ  අපවත් විය. විජිතසිරි හිමිගෙන් පසුව ස්වාමීන්වහන්සේලා කීප නමක් වැඩ සිටියද පැවති තත්ත්වය මත උන්වහන්සේලා රඳා නොසිටියහ. යුද්ධයෙන් පසුවද භික්ෂූන් වහන්සේ නමක් ස්ථිර ලෙස විහාරස්ථානයේ රඳවා ගැනීමට නොහැකි විය. එහෙත් දායකයන්ගේ උත්සාහය මත විහාරස්ථානය අකර්මන්‍ය වීමට නොදී ඉදිරියට පවත්වාගෙන ආහ.

එයින් පසුව දැනට වැඩ සිටින වලලියේ රතනපාල හිමියන් වැඩමකළ පසු දායකයන්ගේ උත්සාහය මත විහාරස්ථානයෙන් නව ඉදි කිරීම් කීපයක් සිදු කර ඇත. 

ආධාර කරන්න 

පින්වත් ඔබගේ ආධාර පහත ගිණුමට බැරකළ හැකිය

ගිණුමේ නම – වලලියේ රතනපාල හිමි
ගිණුම් අංකය – 063200170019340
බැංකු ශාඛාව – වාරියපොළ

ඔබ බැංකුවට මුදල් බැර කරන්නේ නම්, බැංකුවෙන් ලැබෙන රිසිට් පතෙහි පිටපතක් අප වෙත යෙමුකරන්න.