by Danesh Edirisooriya | May 3, 2017 | සමාජසත්කාර පිංකම්, සාමාන්‍ය පුවත්
හදවත් රෝගයක් හේතුවෙන් ජීවිතයත් මරණයත් අතර සටනක යෙදුනා වූ වැලිවේරිය අමතරතන විවේක සේනාසනයේ විහාරස්ථානයේ වැඩ විසූ පූජ්‍ය ඉද්දගොඩ පියරතන ස්වාමීන්වහන්සේ අද දවසේදී සාර්ථක සැත්කමකින් අනතුරුව නැවත විහාරස්ථානය කරා වැඩම කරනවා. උන්වහන්සේ පිළිබඳ තොරතුරු පල කල දින ඉතා සුලු වේලාවක් ඇතුලත අවශ්‍ය මුදල් පොරොන්දු වී ඉන් අනතුරුවත් විටින් විට ඇමතුම් ඔස්සේ පවා ස්වාමීන්වහන්සේ පිළිබඳ විමසමින් උපස්ථාන කිරීමට ඉදිරිපත් වෙමින් දානය පිළියෙල කරමින් සැදැහැ සිතින් එක් වූ කරුණාබර දයාබර හදවත් බොහෝමයක් බලාපොරොත්තු සහගතව සිටියේ උන්වහන්සේ නැවත යහපත් සුවයෙන් සිටිනු දැකීමටයි. ඔබ සැම අද දිනයේ මේ අත් විදින්නේ ඔබේ දායකත්වයෙන් ඔබේ සහයෝගයෙන් ජිවිතය පිළිබඳ බලාපොරොත්තු මිලිනව සිටි ස්වාමින්වහන්සේ නමකට නැවතත් ජීවිතය ලබාදුන් කුසලයේ අප්‍රමාණ වූ සතුටයි.
බරපතල ලෙස රෝගාතුරව සිටි උන්වහන්සේ රෝහල් ගත කිරීමෙන් අනතුරුව උන්වහන්සේ පිළිබඳ නිරතුරුව සොයා බලමින් අසළින් රැදි උපස්ථාන කල පූජ්‍ය අකුරුමුල්ලේ රතන ස්වාමීන්වහන්සේටත් සැත්කම වෙනුවෙන් තම රුධිරය පරිත්‍යාග කළ මාගේ ෆේස්බුක් මිතුරු මිතුරියන් සැමටත්… සැත්කම සදහා අවශ්‍ය වූ සිවුරු සෝදා පවිත්‍ර කොට දුන් මිතුරියටත්… සැත්කමට පෙරාතුව උන්වහන්සේ වෙනුවෙන් බෝධි පූජා පවත්වා සැත්කම සාර්ථක වීමට ආශිර්වාද එක් කළ සියලු දෙනාටත්… රෝහලේ ආහාර වැළදීමට පිරියක් නැතැයි කී විට ඉතිරි දින කිහිපය පුරාවටම උන්වහන්සේට දානය පිළියෙල කොට සැදැහැ සිත් පෙරදරිව පූජා කරා වූ සියලුම මිතුරු මිතුරියන්ටත්… දානය පිළියෙල කිරීමට හා රැගෙන ඒමට වෙහෙස මහන්සි වූ උපකාර කල සියලුම දෙනාටත්… උපස්ථායක ස්වාමීන්වහන්සේ වෙනුවෙන් විවේකයක් ලබා දීම උදෙසා නිදිවරමින් උප්ස්ථානය කළ මිතුරාටත්… නිරතුරුවම ඇමතුම හා චැට් පණිවිඩ ඔස්සේ ස්වාමීන්වහන්සේගේ සෞඛ්‍යය තත්වය විමසා බැලූ සැමටත්…. ස්වාමීන්වහන්සේ බැහැදැකීමට රෝහල වෙත පැමිණි සියලු දෙනාටත…. ස්වාමීන්වහන්සේගේ සැත්කමින් පසු අවශ්‍ය වන ඖෂධ මිලදී ගැනීමට දායකත්වය ලබාදුන් මිතුරු මිතුරියන්ටත්…
ස්වාමීන්වහන්සේ හට අවශ්‍ය පිරිකර ද්‍රව්‍ය පූජා කළ මිතුරියටත්…. විශේෂයෙන්ම මේ කටයුත්ත මෙසේ සිදු කිරීමට අවශ්‍ය වූ මුදල වෙනුවෙන් කෙටි කාලයක් තුලදී දායකත්වය ලබා දුන් මාගේ ෆේස්බුක් මිතුරු මිතුරියන් සියලු දෙනාටමත්, ඒ මුදල් ලැබෙන තුරු සැත්කම සඳහා රෝහලට මුදල් ගෙවීමට මුදල් ලබාදුන් සහ හදිසියක් වුවහොත් ලබාදීමට පොරොන්දු වූ සියලුම මිතුරු මිතුරියන්ටත් මේ සිදු කළා වූ කුසලයේ අප්‍රමාණ වූ පින් බල මහිමයෙන් ඔබ සියලු දෙනාගේම යහපත් වූ ප්‍රාර්ථනාවන් සහ අරමුණු සියල්ල සිතන පතන අයුරින්ම ඉෂ්ඨ සිද්ධ වේවා… කිසිදු කාය චිත්ත පීඩාවක් නොම වේවා… යන එන මග අතුරු ආන්තරාවකින් තොර වේවා… නිදුක් නීරෝගී වාසනාවන්ත දිවියක් උරුම වේවා… ජිවිතය සතුටින් සැනසුමින් සෞභාග්‍යයෙන් පිරී ඉතිරේවා…
අප සැම විසින් එකට එක් වී සිදු කළා වූ මේ කුසලය ඔබ අප සැමට සසර කෙළවර උතුම් වූ නිර්වාණ සම්පත්තිය පිණිසම හේතු වේවා….
by Danesh Edirisooriya | Sep 28, 2017 | සමාජසත්කාර පිංකම්, සාමාන්‍ය පුවත්
මාගේ මුහුණු පොතේ මිතුරියක් වන තුෂානි පෙරේරා අක්කාගේ ආදරණීය මහප්පා, සිරිසේන වීරසිංහ මහතා 2017.09.28 වන දිනට මෙලොවින් සමුගෙන මාස 3ක් වෙනවා. මෙලොව ඉපදෙන සෑම කෙනෙකුටම මරණයට මුහුන දෙන්න වෙනවා. ඉතින් අපේ හිතවතුන් ජීවත් වෙලා ඉද්දී කොයි තරම් දේවල් කරලා සලකන්න පුලුවන් උනත් මරණයෙන් පස්සේ ජීවත් වෙලා ඉන්න අපට කරන්න පුලුවන් එකම දේ ඒ මියගිය කෙනා වෙනුවෙන් පිං පමුනවන්න විතරයි. ඉතින් තුෂානි අක්කත් තමාගේ ආදරණීය මහප්පා වෙනුවෙන් විශේෂ දානයක් දීලා පිං දෙන්න තීරණය කලා. අක්කා ඒ වෙනුවෙන් කලේ ඉතාමත් උතුම් පිනක්.
ඔක්කම්පිටියෙ තියෙන මේ පුංචි ආරණ්‍යයේ ඉන්න මේ මෙහෙණින් වහන්සේට වයස අවුරුදු අනූවකටත් ආසන්න වෙනවා. කටුමැටි වලින් සාදපු ටකරං සෙවිළි කළ ඇති මේ කුඩා ආරණ්‍යයේ ඇතුළත කිසිම පහසුකමක් නැහැ. මාළිගා වගේ ඉදිවෙන පන්සල් අතරේ මේ ආරණ්‍ය මොනතරම් අසරණ තත්වයකද තියෙන්නෙ කියලා ඇතුළත දකින ඔබට වැටහේවි. දෑස් පෙනුනා නම් ඇවිදින්න හැකි වූවා නම් මේ ඕනෑම දුකක් දරා ගනිමින් මොනයම් හෝ දෙයක් කරන්නට මේ මෙහෙණින් වහන්සේට හැකි වෙන්නට තිබුණා. ඒත් දැන් එසේ කරන්නට හැකියාවක් නැහැ. මෙහි උපස්ථාන කටයුතු වෙනුවෙන් ඉන්න නැන්දාගේ සහයෝගයෙන් මිස තනිව කිසිවක් කරගන්න මේ මෙහෙණින් වහන්සේට පුලුවන් කමක් නැහැ. පැන් පහසුවටවත්, වැසිකිළි යන්නවත් එළියට යාමට හැකියාවක් නැහැ. ඉතිං අපි පූජා කල මේ රොද පුටුව නිසා මෑණියන්ව බලාගන්නා නැන්දාට දැන් මෑණියන්ව පහසුවෙන් එහා මෙහා ගෙනියන්න පුලුවන්. මෑණියෝ දුන් පිං අප්‍රමාණයි. පහත වීඩියෝව බලන්න….
පුණ්‍යානුමෝදනා වීඩියෝව : https://m.facebook.com/story.php?story_fbid=1428488277188511&id=100000820578834
තමන්ගේ කෙනෙක් ජීවත්ව සිටියදී පවා නොසලකන කාලයක ඔයා මිය පරලොව ගිය මහප්පා වෙනුවෙන් පිං දෙන්න මෙලෙස පරිත්‍යාගයක් සිදු කලේ ඔයාගේ හිතේ මහප්පා වෙනුවෙන් පවතින අසීමිත ආදරය නිසා බව කිව යුතු නෑ. ඔබ සිදු කලේ දිවා රෑ පිං වැඩෙන පිංකමක්. මේ ලැබුනු පින් ඔයාගේ මිය පරලොව ගිය මහප්පාට අනුමෝදන් වේවා. ඔහුට සැපවත් ජීවිතයක් අත් වී ඇත්නම් ඒ සැප සම්පත් වැඩි වීමටත් දුක්‍ ඇති ආත්මයක් ලැබි ඇත්නම් ඒ දුකින් අත්මිදෙන්නටත් මේ පිං හේතු වාසනා වේවා.
ඉතින් අක්කේ මේ සිදු කලා වූ කුසලයේ ආනුභාවයෙන් ඔබගේ පවුල් දිවියද සතුටින් සමාදානයෙන් ගෙවීමට හැකිවේවා. තව තවත් මෙවැනි අසරණ මිනිසුන්ට උදවු කිරීමට හැකි වේවා. ඔබගේ දෙමාපියන් ඇතුලු සියලු හිත මිත්‍රාදීන් සැමටත් මේ පින් අනුමෝදන් වේවා..
සෙහෙනෙහෙබර වදන් පෙළගැස්ම – Manoj Prasanna & Nimasha Sewwandi
Location : ඔක්කම්පිටිය
වැඩි විස්තර සහ ඡායාරූප බලාපොරොත්තු වන්න…
Project Hope | ජීවිතයට නව බලාපොරොත්තුවක්…
“Keeping the Disabled Happy”
Our goal is to provide a free wheelchair to every child, teen and adult island-wide who needs one, but has no means to acquire one.
විවිධ වූ හේතූන් නිසා එක්තැන් වූ ශ්රී ලංකාවේ දුෂ්කර ප‍්‍රදේශවල ජීවත්වන අන් අයගේ අවධානයට යොමු නොවන/නොවූ දැඩි ආර්ථික අපහසුතාවලින් පෙළෙන පුද්ගලයින් හට රෝද පුටු, කිහිළි කරු, වතුර මෙට්ට වැනි විකලාංග උපකරණ (Orthopedic Appliance) ලබාදී ඔවුන්ගේ ජීවිතයට නව බලාපොරොත්තුවක්, සතුටක්, සැනසුමක් ලබාදීමට මෙම ව්‍යාපෘතියෙන් අප බලාපොරොත්තු වේ.
උදා : Wheel Chairs, Reclining Wheel Chain, Special Function Wheel Chair, Electric Wheel chairs, Commode Chairs, Rollaters, Walking Aids, Four Arm Walkers, Walkers, Air mattresses, Bed headrest, Cervical collars, Surgical corsets, Philadelphia collars, Arm slings, Crutch pads, Hernia belts, Foot Drop Splints, Crutch Pads, Immobilizer, Knee braces etc.
We only need photographs to publish.
An Idea By Danesh Maduranga Edirisooriya & Danesh Maduranga Edirisooriya II
Project of SamajaSathkara.lk
by Danesh Edirisooriya | Apr 7, 2018 | සමාජසත්කාර පිංකම්, සාමාන්‍ය පුවත්
ලොව උතුම්ම දානයට සම්බන්ධ වුණ ෆේස්බුක් මිතුරු මිතුරියෝ…
අද දින අපි ෆේස්බුක් මිතුරන්ගේ දායකත්වයෙන් අරලගංවිල, කුඩා සීගිරිය, ශ්රී සම්බුද්ධාලෝක විහාරයට ත්රිපිටකය සහ ත්රිපිටකය තැන්පත් කිරීමට පොත් කබඩ් එකක් සඟ සතු කර පූජා කරනු ලැබුවා.
මේ පිංකමට ප‍්‍රධාන මූල්‍යමය දායකත්වය දැක්වූයේ Kumosha Abeyweera අක්කා සහ ඇගේ සොහොයුරිය Gayashi මිතුරියයි. ඇගේ ආදරණීය පුතනුවන් දෙදෙනා වන Senusha Abeyweera සහ Sadev Abeyweera ගේ පසුගිය ජූලි මාසයේ පැවති උපන්දින වෙනුවෙන් ඔවුන්ට ආශිර්වාද පතා තමයි මේ පිංකම සිදුකලේ.
ත්රිපිටකය තැන්පත් කිරීමට කබඩ් එක පරිත්‍යාග කිරීමට ෆේස්බුක් මිතුරු මිතුරියන් රාශියක් එකතු වුණා.
වැඩම්මවීම සඳහා මුතුකුඩය Nimasha Sewwandi ඇය විසින්ම නිර්මාණය කර පූජා කරනු ලැබුවා.
මෙම ත්‍රිපිටක පොත් වහන්සේලා 2017 නොවැම්බර් මස 26 වෙනි දින පන්සලට පූජා කල අතර එදින පැවති අයහපත් කාළගුණය නිසා පෙරහැරකින් වැඩම කරවීම අප විසින් කල් දැමුවා. එදින සංකේතාත්මකව පූජා කිරීම සිදු කර අද පූජා කිරීම උත්සවශ්‍රීයෙන් සිදු කරන ලදි.
පන්සලේ ස්වාමීන්වහන්සේ Seewali Podi Hamuduruwo මේ පිංකමේ වටිනාකම ගැන අපට පහදා දුන්නා. සම්බන්ධ වූ සැමට පුණ්‍යානුමෝදනාවක්ද සිදුකලා.
මේ පිංකමේ කුසලානුභාවය සකල ලෝවැසි සියළු සත්වයින් හට අනුමෝදන් වී අවසානයේ අමාමහ නිවන් සාක්‍ෂාත් කරගැනීමට හේතුවාසනා වේවායැයි සතුටු සිතින් යුතුව ප‍්‍රාර්ථනා කරන්නෙමු.
සමාජසත්කාර “ත්‍රිපිටක පූජා 2017”
by Danesh Edirisooriya | Aug 21, 2018 | සමාජසත්කාර පිංකම්
අටමහා කුසල් යන නමින් විශේෂ පින්කම් අටක් පිළිබඳව බුදු දහමේ ඉගැන්වේ.
එම අටමහා කුසල් දැක්වෙන ගාථාව මෙසේය.
“කඨිනං ච පරික්ඛාරං – වාස දානංච උත්තමං
බුද්ධප්පමුඛසංඝස්ස – දානං ධම්මස්ස ලේඛනං
ඛෙත්ත දානංච සංඝස්ස – පටිමා කරණං පි ච
කරණං වච්ච කුටියා – අට්ඨ පුඤ්ඤානි වුච්චරේ”
මෙහි දැක්වෙන අටමහා කුසල් මෙසේය.
1.කඨින සිවුරක් පූජා කිරීම
2.අටපිරිකර පූජාකිරීම
3.ආවාස ගෙයක් තනවා සඟසතුකර පූජා කිරීම
4.බුදුපාමොක් මහ සඟනට සඟ සතු කර දන්දීම.
5.බුද්ධ ධර්මය ලිවීම හා ලියවීම දහම් පොත්පත් මුද්‍රණය කරදීම බෙදා හැරීම.
6.සඟ සතු කර හෝ බුද්ධ පූජා වශයෙන් කෙත් වතු පිදීම
7.බුදු පිළිම සෑදවීම, චෛත්‍ය විහාරගෙවල් මුලසුන් ආදිය සෑදවීම
8.වැසිකිළි තනවා සඟසතු කර පිදීම.
යන මේ පිංකම් අට අටමහා කුසල් නම්වේ.
මේ පිංකම් අට අනෙක් පිංකම් වලට වඩා සුවිශේෂී වන්නේ විශේෂ හේතුවක් ඇති බැවිනි. අකුසල් සිත් යටපත් කර කුසල් සිත් උපදවා ගෙන මෙම අටමහා කුසල් කරන අය හට සසර තමා විසින් මව මැරීම ආදී පංචානන්තරීය අකුසල් සිදුකර නොමැති අයට වෙනත් යම් යම් අකුසල් දැන හෝ නොදැන කර තිබුණහොත් ඒවා තාවකාලිකව යටපත් කොට අකුසලයේ විපාකය විඳීන්නට නොදී අටමහා කුසලයක් ඉදිරිපත්වී එයින් සැප විපාක ලබාදීමට සමත් වන බව දහමෙහි දැක්වේ.
අටමහා කුසල් අතර අටවන මහා කුසලය වශයෙන් සඳහන් වෙන්නේ වැසිකිළි සාදවා මහ සඟනට සඟසතු කොට පූජා කිරීම හෝ පොදු ජනතාවගේ ප්‍රයෝජනයට අවස්ථාව උදාකිරීම මෙම පිංකමට දායක විය හැකිය.
ශිෂ්ට සම්පන්න ජන සමාජයක් තුළ වැසිකිළි භාවිතා කිරීම අවශ්‍යම කාරණයකි. එවිට බාහිර පරිසරය දූෂණය නොවේ. ලෙඩරෝග බෝවීම වැළකේ. නීරෝගී ජන සමාජයක් බිහි කිරීමට මෙම කරුණුද විශේෂ හේතුවකි.
මේ අනුරාධපුර, පේමඩුව, උලුක්කුලම ප්‍රදේශයේ අති දුෂ්කර පන්සලක්. මේ ප්‍රදේශයට වසර 4කින් පමණ වර්ෂාවවත් නැහැ. ස්වාමීන්වහන්සේලාට පරිහරණයට හරිහමන් වැසිකිළියක්වත් නැහැ. ඉතිං අපි තීරණය කලා මේ පන්සලට වැසිකිළියක් සාදවා පූජා කරන්න. අපි ඒ සඳහා මුල්ගල තැබීම සිදුකලා. සති කිහිපයක් තුළ අප වැඩ අවසන් කර මෙම වැසිකිළිය සඟ සතුකර පූජා කිරීමට බලාපොරොත්තු වෙනවා.
මේ පිංකමට දායකත්වය දැක්වූයේ Ruchiranga Premathilake අයියා, ඔහුගේ ආදරණීය බිරිඳ වන Jayani Madhi Prasadika අක්කගේ අද දිනට එනම් අගෝස්තු 21 වන දිනට යෙදිලා තියෙන උපන්දිනය වෙනුවෙනුයි.
පන්සලේ විහාරාධිපති ස්වාමීන්වහන්සේ බෙහෙවින්ම පිං දුන්නා. පැමිණ සිටි පිරිසට ඔබ දෙපළ පිළිබඳව සහ ඔබේ උපන්දිනය වෙනුවෙන් මෙම පිංකම සිදුකරන බවත් එය මහත්පල මහානිසංස ගෙනදෙන පිංකමක් බවත් දේශනා කර සිටියා.
අක්කේ මේ මහාර්ඝ වූ පිංකමට ඔබේ ආදරණීය ස්වාමිපුරුෂයා සම්පූර්ණ දායකත්වයක් දැක්වූවා. ඔබ සැබැවින්ම වාසනාවන්තයි මෙවන් පින්වන්ත කුසලයට ලැදි ස්වාමියෙක් ලබන්නට. ඔහු මේ ලබා දුන් උපන්දින ත්‍යාගයට ඔබත් කැමති ඇති කියලා අපි හිතනවා අක්කා. ඡායාරූප අප්ලෝඩ් කිරීමට ප්‍රමාදවීම පිළිබඳව සමාව අයදිනවා. සමහර විට ඔබ අයියා සමග අමනාපයෙන් ඉන්නත් ඇති උපන්දිනයට ත්‍යාගයක් නොදීම සම්බන්ධව. නමුත් මමත් අයියාත් සතියක පමණ සිටයි මේ පිංකමට සූදානම් වුයේ. ඔහුට අවශ්‍ය වුනේ ඔබට මෙළොවටත්, පරළොවටත් වටිනා වූ ආනිසංස ගෙන දෙන ත්‍යාගයක් ලබාදීමටයි. ඔබව පුදුමයට පත් කිරීමටයි.
මේ සිදු කළා වූ කුසලය ඔබ දෙපළටම ආශිර්වාදයක් වේවා… මේ රැස් කරගත්තා වූ කුසලයේ ආනිසංසයෙන් නිදුක් නීරෝගී ලාභය ලැබේවා… පුංචි කැදැල්ලේ සතුට සෙනෙහස නිබඳව රැඳේවා…. ඔබේ සියලු සිතුම් පැතුම් ඉටු වී කරන කියන කටයුතු සියල්ලක්ම සාර්ථක වෙන වාසනාවන්ත දිවියකට මෙය ආශිර්වාදයක්ම වේවා… දරුවන්ගේ අධ්‍යාපන කටයුතු ද ජීවිතය ද සාර්ථක වේවා… ගුණ දහමින් හෙබි වාසනාවන්ත දරුවන් දැයට දායාද කිරීමට ඔබ දෙපළටම හැකි වේවා… පවුලේ සෑම සියලු දෙනාටම නීරෝගි සුවය සතුට සැනසුම වාසනාව නිරන්තරයෙන්ම උදා වේවා….
අයියේ, මේ භවයේ මෙන්ම නිවන් දක්නා තුරා ඈ ඔබේම සෙනෙහෙබර බිරිඳ ලෙසත් ඔබ ඇගේම දයාබර ස්වාමිපුරුෂයා ලෙසත් හමු වී මෙසේ එකට එක්ව කුසල් රැස් කොට පාරමී පුරා අවසානයේ උතුම් වූ නිර්වාණ සම්පත්තිය උදා කර ගැනීම පිණිස මේ කුසලට ඔබ දෙපළටම හේතු වේවා….
සුභ උපන්දිනයක් අක්කා…
මේ පිංකමට සමාජසත්කාර කණ්ඩායමේ Chathura Prasanga මල්ලිත්, Shakuna Perera අයියාත් ශ්‍රම දායකත්වය දැක්වූවා. ඔබ දෙපළටද බොහොමත්ම පිං..
Birthday for a Cause | Celebrating birthday with Samajasathkara.lk
An idea by Danesh Maduranga Edirisooriya, Danesh Maduranga Edirisooriya II & Danesh Maduranga Edirisooriya III
Project of SamajaSathkara.lk
by Danesh Edirisooriya | Mar 27, 2019 | සමාජසත්කාර පිංකම්
අටමහා කුසල් යන නමින් විශේෂ පින්කම් අටක් පිළිබඳව බුදු දහමේ ඉගැන්වේ.
එම අටමහා කුසල් දැක්වෙන ගාථාව මෙසේය.
“කඨිනං ච පරික්ඛාරං – වාස දානංච උත්තමං
බුද්ධප්පමුඛසංඝස්ස – දානං ධම්මස්ස ලේඛනං
ඛෙත්ත දානංච සංඝස්ස – පටිමා කරණං පි ච
කරණං වච්ච කුටියා – අට්ඨ පුඤ්ඤානි වුච්චරේ”
මෙහි දැක්වෙන අටමහා කුසල් මෙසේය.
1.කඨින සිවුරක් පූජා කිරීම
2.අටපිරිකර පූජාකිරීම
3.ආවාස ගෙයක් තනවා සඟසතුකර පූජා කිරීම
4.බුදුපාමොක් මහ සඟනට සඟ සතු කර දන්දීම.
5.බුද්ධ ධර්මය ලිවීම හා ලියවීම දහම් පොත්පත් මුද්‍රණය කරදීම බෙදා හැරීම.
6.සඟ සතු කර හෝ බුද්ධ පූජා වශයෙන් කෙත් වතු පිදීම
7.බුදු පිළිම සෑදවීම, චෛත්‍ය විහාරගෙවල් මුලසුන් ආදිය සෑදවීම
8.වැසිකිළි තනවා සඟසතු කර පිදීම.
යන මේ පිංකම් අට අටමහා කුසල් නම්වේ.
මේ පිංකම් අට අනෙක් පිංකම් වලට වඩා සුවිශේෂී වන්නේ විශේෂ හේතුවක් ඇති බැවිනි. අකුසල් සිත් යටපත් කර කුසල් සිත් උපදවා ගෙන මෙම අටමහා කුසල් කරන අය හට සසර තමා විසින් මව මැරීම ආදී පංචානන්තරීය අකුසල් සිදුකර නොමැති අයට වෙනත් යම් යම් අකුසල් දැන හෝ නොදැන කර තිබුණහොත් ඒවා තාවකාලිකව යටපත් කොට අකුසලයේ විපාකය විඳීන්නට නොදී අටමහා කුසලයක් ඉදිරිපත්වී එයින් සැප විපාක ලබාදීමට සමත් වන බව දහමෙහි දැක්වේ.
අටමහා කුසල් අතර අටවන මහා කුසලය වශයෙන් සඳහන් වෙන්නේ වැසිකිළි සාදවා මහ සඟනට සඟසතු කොට පූජා කිරීම හෝ පොදු ජනතාවගේ ප්‍රයෝජනයට අවස්ථාව උදාකිරීම මෙම පිංකමට දායක විය හැකිය.
ශිෂ්ට සම්පන්න ජන සමාජයක් තුළ වැසිකිළි භාවිතා කිරීම අවශ්‍යම කාරණයකි. එවිට බාහිර පරිසරය දූෂණය නොවේ. ලෙඩරෝග බෝවීම වැළකේ. නීරෝගී ජන සමාජයක් බිහි කිරීමට මෙම කරුණුද විශේෂ හේතුවකි.
මේ පුත්තලම, මදුරන්කුලිය, වේලාසිය දකුණ පන්සල. අති දුෂ්කර පන්සලක්. මේ ප්‍රදේශයට කාලෙකින් වර්ෂාවවත් නැහැ. ස්වාමීන්වහන්සේලාට පරිහරණයට හරිහමන් වැසිකිළියක්වත් නැහැ. ඉතිං අපි තීරණය කලා මේ පන්සලට වැසිකිළියක් සාදවා පූජා කරන්න. ඒ සඳහා අවශ්‍ය කටයුතු සති කිහිපයකට උඩදී ආරම්භ කලා.
මේ පිංකමට දායකත්වය දැක්වූයේ Kaveenda Gayan සහ Gayan TK යන ෆේස්බුක් මිතුරන් දෙදෙනා.
මදුරන්කුලිය නගරයේ සිට කිලෝමීටර් කිහිපයක් ගම ඇතුලට වෙන්න අති දුෂ්කර මාර්ගයක ගිය පසුයි මේ පන්සල මුණගැහෙන්නේ. බුදු මැදුරක්වත්, ඝන්ඨාර කුළුණක්වත්, අටවිසි බෝධි ප්‍රාකාරයක්වත්, හරි හමන් වැසිකිළියක්වත් මේ පන්සලට නැහැ. කොළඹ එක් ධානපතියෙක් විසින් චෛත්‍යයක් සාදවා පූජා කර ඇති අතර ස්වාමීන්වහන්සේ දැනට සිටින්නේ කුඩා ආවාස ගෙයකය.
කිලෝමීටර් 300කට ආසන්න දුරක් ගෙවාගෙන තමයි අපි මේ පන්සල සොයාගෙන ආවේ. දැඩි හිරු රෂ්මිය නිසා දහවල් කාලයේ පන්සල් භූමියේ සිටීම ඉතාමත් අපහසුයි. මෙය ගොඩනගන්න කටයුතු කරන බාසුන්නැහැලා ගිණි කාෂ්ටක අව්වේ තමයි වැඩකටයුතු සිදුකලේ.
සමාජසත්කාර කණ්ඩායම දින කිහිපයක් නතර වී මේ සඳහා දායකත්වය දැක්වූ අතර වැඩ අවසන් වන තෙක් සිව් වරක් නිරීක්ෂණ චාරිකා පැමිණියා.
සති කිහිපයක මහන්සියක ප්‍රථිපලයක් ලෙස අපගේ අනෙක් නිර්මාණ/ගොඩනැගීම් ලෙසටම අලංකාර එමෙන්ම චාම් ලෙස වැසිකිළිය ගොඩනැගීමට අපට හැකිවුණා.
මේ පිංකම සම්බන්ධයෙන් පන්සලේ විහාරාධිපති ස්වාමීන්වහන්සේ බෙහෙවින්ම පිං දුන්නා. කාවින්ද අයියාටත්, ගයාන් අයියාටත් මේ සිදුකලා වූ කුසලයෙන් අප්‍රමාණ පිං ලැබෙන බව ප්‍රකාශ කර සිටියා. ඒ වගේම පන්සලේ ආරම්භ කල වැඩක් ප්‍රථම වරට හරියාකාරව ඉක්මනින් අවසන් වූ බව උන්වහන්සේ සතුටින් දන්වා සිටියා.
මේ සිදු කළා වූ කුසලය මිතුරන් වූ ඔබ දෙපළට ආශිර්වාදයක් වේවා… මේ රැස් කරගත්තා වූ කුසලයේ ආනිසංසයෙන් නිදුක් නීරෝගී ලාභය ලැබේවා… ඔබලා විවාහ වී සිටීනම් ඔබලා දෙදෙනාගේම පුංචි කැදැලිවල සතුට සෙනෙහස නිබඳව රැඳේවා…. ඔබලාගේ සියලු සිතුම් පැතුම් ඉටු වී කරන කියන කටයුතු සියල්ලක්ම සාර්ථක වේවා… දරුවන් සිටීනම් දරුවන්ගේ අධ්‍යාපන කටයුතු ද ජීවිතය ද සාර්ථක වේවා… පවුලේ සෑම සියලු දෙනාටම නීරෝගි සුවය සතුට සැනසුම වාසනාව නිරන්තරයෙන්ම උදා වේවා…. ඔබ දෙපළ නමින් මියගිය සියලුම නෑදැයින්ටත් මේ පිං අනුමෝදන් වෙත්වා. කෙළවර උතුම් වූ නිර්වාණ සම්පත්තිය අවබෝධයටම මේ කුසලය හේතුවාසනා වේවා.
මේ පිංකම ආරම්භ කල දිනයේ සිට ශ්‍රම දායකත්වය දැක්වූ සමාජසත්කාර කණ්ඩායමේ Chathura Prasanga මල්ලිටත්, ලහිරු මල්ලිටත්, මහේෂ් අයියාටත්, සම්බන්ධිකරණ කටයුතු සිදුකල සඳුන් අයියාටත් බොහොමත්ම පිං.
Project Code : 2019-FEB-0067
Donors : Kaveenda Gayan / Gayan TK
ප.ලි : අප මීට පෙර වෙනත් අඩුපහසුකම් සහිත පන්සලක වැසිකිළියක් ගොඩනැගීමට ආරම්භ කලත් එම විහාරස්ථානය සම්බන්ධ කරගැනීමේ අපහසුව නිසා එය නවතා දමන ලදි.
An idea by Danesh Maduranga Edirisooriya, Danesh Maduranga Edirisooriya II & Danesh Maduranga Edirisooriya III
Project of SamajaSathkara.lk
by Danesh Edirisooriya | Nov 12, 2016 | සමාජසත්කාර පිංකම්
අල්ගම කන්ද මෙහෙණි ආරාණ්‍යයේ ලොකු මෑණීයෝ කකුලේ අස්ථි බිඳවැටීමක් නිසා දැනට වැඩසිටින්නේ පහළ ආරණ්‍යයක. ඒ ආරාණ්‍යයේද තවත් මෙහෙණින් වහන්සේලා කිහිප දෙනෙක් වැඩ සිටිනවා. මිහිරි අක්කාගේ ඉල්ලීමක් අනුව මම ඒ ආරණ්‍යයට වියළි ආහාර පාර්සලයක් පූජා කලා. උන්වහන්සේ බෙහෙවින් පිං දුන්නා.
මේ ගමනට මා සමඟ නිමාෂා නංගි, එයාගේ මල්ලී සහ අම්මා සම්බන්ධ වුණා. ඔයාලා හැමෝටමත් පිං.
මේ උතුම් වූ පිංකමට සම්බන්ධ වූ මිහිරි අක්කාටත්, මහින්ද අයියාටත්, දැකබලා සතුටු වන ඔබ සැමටත් මේ පිං අනුමෝදන් වෙත්වා… නිර්වාණ සම්පත්තිටම මේ කුසලය හේතු වාසනා වේවා.
මතු සම්බන්ධයි…
වැඩි දුරටත්…
මේ මෙහෙණි ආරණ්‍යය තියෙන්නේ පොතුහැර, අල්ගම ගමේ කන්දක් මුදුනක. මාසෙට දානේ වේල් 5ක් වගේ තමා ලැබෙන්නේ. ඒකත් බොහෝ වෙලාවට එළවළු වර්ග. ඉතිං වැඩි දවසක් කල් තියාගන්න බැහැ. වෙළඳසැලක් තියෙන්නෙත් කිලෝමීටර් 3-4ක් දුරින්. ඉතිං එළවළු සහ අනෙකුත් ආහාර කල්තියාගැනීමට ශීතකරණයක් තිබීම ඇත්තෙන්ම වටිනවා. මෑණීවරු මස් මාංස වළඳන්නෙත් නැහැ. මේ ආරණ්‍යයට ශීතකරණයක් පූජා කරන මේ මහත්පල මහානිසංස පිංකම අපි සතියකට උඩදි ආරම්භ කලා. නමුත් අද තමයි මට අවස්ථාව ලැබුණේ ආරණ්‍යයට යන්න.
අපි මුලින්ම ගිහින් පහල ආරණ්‍යයක වැඩ සිටින ලොකු මෑණීයෝ මුණගැසුනා. කකුලේ අස්ථි බිඳවැටීමක් නිසා මෑණීයෝ දැනට වැඩසිටින්නේ පහළ ආරණ්‍යයක. අපි තවත් මෙහෙණින් වහන්සේ නමක් සමඟ කන්දක් මුදුනක පිහිටි මේ අල්ගම කන්ද පුරාණ ගල්ලෙන් විහාරය (මෙහෙණි ආරණ්‍යය) බලන්න ගියා. වාහනය අපි කුඹුරක් මැද කිලෝමීටරයක් පමණ මෙහායින් නවත්වා පයින් තමා ගියේ. පඩිපෙළ 100කට වඩා ගලක් උඩට නගින්න වුණා අඩි 200ක් පමණ. දහවල් 2කට පමණ තමා අපි කන්ද නගින්න ආරම්භ කලේ. මේ විහාරය වළගම්බා රජ දවස ආරම්භ කල එකක්ලු. දැනට මෙහෙණින් වහන්සේලා දෙනමක් වැඩ ඉන්නා අතර තනියට නැන්දා කෙනෙක්ද සිටිනවාලු.
මිනිසුන් මේ ආරණ්‍යයට දානේ නොගෙන එන එක හිතාගන්න පුලුවන්. ඒ තරමටම අපහසුයි මෙයට ලඟා වෙන එක. අනික සමහර අවස්ථාවලදී කෙනෙක්ට තනියම එන්නත් බෑ රිලව්ගෙන් කරදර වෙනවලු.
Location : අල්ගම කන්ද පුරාණ ගල්ලෙන් රජමහා විහාරය, අල්ගම, පොතුහැර
Status : Personally Visited & Verified
Algama Kanda Ancient Cave Temple lies in the District of Kurunegala in the village of Algama. Although this cave temple has not caught the public eye, it has been found that this temple goes back to the time of King Walagamba (89-77 BC) and probably built by him.
The king Walagamba (aka Vattagamini Abaya) spent 14 years in exile hiding from South Indian invaders before he finally manage to chase them away them.
During this time he took refuge in number of caves through out the country hiding from spies and gathering forces to defeat the invaders. After he re instated himself as the rightful king of the country, it is said that he built cave temples in every cave he took refuge during his exile.
Archaeology department has found that this temple shows work during the periods of Walagamba (89-77 BC), Kithsiri Mevan (303-311) and Kandyan periods. About 200 feet above the cave temple is a rock and a tunnel has been in existence between the cave temple and this rock. But with time, it has been sealed off. It is said that this rock has been used as a watch point the king.
A rock inscription in Kothmale Viharaya states Theraputthabaya thero who was one of the 10 worriers of the King Dutugemunu (161-131 BC) lived in this temple after he joined the monkhood. One of the rock caves shows inscriptions written is siam (Thai) language. It is believed that this cave was used by a siamese priest who traveled to Sri Lanka with Upali Maha Thero, who brought upasampada from Siam (now Thailand) to form the Siam Nikkaya during the reign of King Kirti Sri Rajasinghe (1747 – 1781).
Primary Source : Budusarana
Reported by Damayanthi Amarakoon
An idea by Danesh Maduranga Edirisooriya
Project of Samajasathkara.lk
