loader image
Select Page
මෙහෙණි ආරණ්‍යයට පූජා කල ශීතකරණයේ තැන්පත් කිරීමට එළවළු සහ අනෙකුත් ද්‍රව්‍ය පූජා කල ගයාෂි ෆේස්බුක් මිතුරිය | නොවැම්බර් 12

මෙහෙණි ආරණ්‍යයට පූජා කල ශීතකරණයේ තැන්පත් කිරීමට එළවළු සහ අනෙකුත් ද්‍රව්‍ය පූජා කල ගයාෂි ෆේස්බුක් මිතුරිය | නොවැම්බර් 12

අපි පසුගිය දිනක අල්ගම කන්ද මෙහෙණි ආරණ්‍යයට ශීතකරණයක් පූජා කලානේ. ආරණ්‍යය යන අතර ගයාෂි මිතුරිය මට කතාකලා. මගෙන් ඉල්ලා සිටියා අපි පූජා කරන ශීතකරණය පිරෙන්න අවශ්‍ය කරන හැම දෙයක්ම අරන් පූජා කරන්න කියලා. ඉතිං නිමාෂා නංගියි, මමයි කුරුණෑගල Keels Super එකෙන් අවශ්‍ය කරන එළවලු, කිරි, යෝගට්, මාමයිට්, පළතුරු යුෂ, ඇස්ට්‍රා, චීස්, ජෑම් ආදී සියලුම දේ මිළදී ගත්තා.

ඒ හැම දෙයක්ම අපි මෑණියන්ට පූජා කලා. මෑණියන් වහන්සේ ඔබට පිං දුන්නා. ඔබ මේ කලාවූ කුසලය නිර්වාණ සම්පත්තියටම හේතු වාසනා වේවා.

වැඩි දුරටත්…

මේ මෙහෙණි ආරණ්‍යය තියෙන්නේ පොතුහැර, අල්ගම ගමේ කන්දක් මුදුනක. මාසෙට දානේ වේල් 5ක් වගේ තමා ලැබෙන්නේ. ඒකත් බොහෝ වෙලාවට එළවළු වර්ග. ඉතිං වැඩි දවසක් කල් තියාගන්න බැහැ. වෙළඳසැලක් තියෙන්නෙත් කිලෝමීටර් 3-4ක් දුරින්. ඉතිං එළවළු සහ අනෙකුත් ආහාර කල්තියාගැනීමට ශීතකරණයක් තිබීම ඇත්තෙන්ම වටිනවා. මෑණීවරු මස් මාංස වළඳන්නෙත් නැහැ. මේ ආරණ්‍යයට ශීතකරණයක් පූජා කරන මේ මහත්පල මහානිසංස පිංකම අපි සතියකට උඩදි ආරම්භ කලා. නමුත් අද තමයි මට අවස්ථාව ලැබුණේ ආරණ්‍යයට යන්න.

අපි මුලින්ම ගිහින් පහල ආරණ්‍යයක වැඩ සිටින ලොකු මෑණීයෝ මුණගැසුනා. කකුලේ අස්ථි බිඳවැටීමක් නිසා මෑණීයෝ දැනට වැඩසිටින්නේ පහළ ආරණ්‍යයක. අපි තවත් මෙහෙණින් වහන්සේ නමක් සමඟ කන්දක් මුදුනක පිහිටි මේ අල්ගම කන්ද පුරාණ ගල්ලෙන් විහාරය (මෙහෙණි ආරණ්‍යය) බලන්න ගියා. වාහනය අපි කුඹුරක් මැද කිලෝමීටරයක් පමණ මෙහායින් නවත්වා පයින් තමා ගියේ. පඩිපෙළ 100කට වඩා ගලක් උඩට නගින්න වුණා අඩි 200ක් පමණ. දහවල් 2කට පමණ තමා අපි කන්ද නගින්න ආරම්භ කලේ. මේ විහාරය වළගම්බා රජ දවස ආරම්භ කල එකක්ලු. දැනට මෙහෙණින් වහන්සේලා දෙනමක් වැඩ ඉන්නා අතර තනියට නැන්දා කෙනෙක්ද සිටිනවාලු.

මිනිසුන් මේ ආරණ්‍යයට දානේ නොගෙන එන එක හිතාගන්න පුලුවන්. ඒ තරමටම අපහසුයි මෙයට ලඟා වෙන එක. අනික සමහර අවස්ථාවලදී කෙනෙක්ට තනියම එන්නත් බෑ රිලව්ගෙන් කරදර වෙනවලු.

Location : අල්ගම කන්ද පුරාණ ගල්ලෙන් රජමහා විහාරය, අල්ගම, පොතුහැර

Status : Personally Visited & Verified

Algama Kanda Ancient Cave Temple lies in the District of Kurunegala in the village of Algama. Although this cave temple has not caught the public eye, it has been found that this temple goes back to the time of King Walagamba (89-77 BC) and probably built by him.

The king Walagamba (aka Vattagamini Abaya) spent 14 years in exile hiding from South Indian invaders before he finally manage to chase them away them.

During this time he took refuge in number of caves through out the country hiding from spies and gathering forces to defeat the invaders. After he re instated himself as the rightful king of the country, it is said that he built cave temples in every cave he took refuge during his exile.

Archaeology department has found that this temple shows work during the periods of Walagamba (89-77 BC), Kithsiri Mevan (303-311) and Kandyan periods. About 200 feet above the cave temple is a rock and a tunnel has been in existence between the cave temple and this rock. But with time, it has been sealed off. It is said that this rock has been used as a watch point the king.

A rock inscription in Kothmale Viharaya states Theraputthabaya thero who was one of the 10 worriers of the King Dutugemunu (161-131 BC) lived in this temple after he joined the monkhood. One of the rock caves shows inscriptions written is siam (Thai) language. It is believed that this cave was used by a siamese priest who traveled to Sri Lanka with Upali Maha Thero, who brought upasampada from Siam (now Thailand) to form the Siam Nikkaya during the reign of King Kirti Sri Rajasinghe (1747 – 1781).

Primary Source : Budusarana

Reported by Damayanthi Amarakoon

An idea by Danesh Maduranga Edirisooriya
Project of Samajasathkara.lk

ෆේස්බුක් මිතුරන්ගේ එකතුවෙන් සිදු කල පූජ්‍ය මැදවච්චිය, හිරල්ලුගම විජේරත්න ස්වාමීන්වහන්සේගේ අක්ෂි සැත්කම [පළමු සැත්කම] – (Day 02)

ෆේස්බුක් මිතුරන්ගේ එකතුවෙන් සිදු කල පූජ්‍ය මැදවච්චිය, හිරල්ලුගම විජේරත්න ස්වාමීන්වහන්සේගේ අක්ෂි සැත්කම [පළමු සැත්කම] – (Day 02)

සැත්කමින් පසු දෙවෙනි දිනයේ උදෑසන 7ට නැවත ස්වාමීන්වහන්සේ රෝහලට වැඩම කරවූවා. ඉන්පසු වෛද්‍යවරුන් අවශ්‍ය බෙහෙත් ලබාදුන් අතර ඊළඟ සැත්කමට සතියකින් පැමිණෙන ලෙස දැනුම් දුන්නා.

අපි ඉන්පසුව උන්වහන්සේව හංවැල්ල පන්සලකට වැඩම කරවූයේ ඊලඟ සැත්කම කරන තෙක් විවේක සුවයෙන් ගතකල යුතු නිසාය. උන්වහන්සේ මේ සැත්කමට දායකත්වය දැක්වූ සැමට පිං දුන්නා.

දිවා රෑ පිං වැඩෙන මේ පිංකමකට දායක වුණ ඔබ සැමට මේ කුසලය නිර්වාණ අවබෝධය පිණිසම හේතුවාසනා වේවා.

වැඩි දුරටත්….

අනුරාධපුර මැදවච්චිය, හිරල්ලුගම විජේරත්න ස්වාමීන්වහන්සේ වම් ඇසෙහි කාලයක් තිස්සේ පෙනීමේ අඩුවක් තිබූ අතර පසුව මීට කලකට ඉහතදී උදෑසන අවදිවන විට ඇස් දෙකෙහිම පෙනීම නැතිවී තිබුණා. ඇසෙහි අභ්‍යන්තරයේ සියුම් ස්නායුවක් පිපිරීමෙන් ලේ ගැලීම නිසා මෙම තත්වය හටගෙන ඇතැයි වෛද්‍යවරු ප්‍රකාශ කලා.

උන්වහන්සේට නැවත පෙනීම ලබාදීම සඳහා ඇස් දෙකටම සැත්කම් කිරීමට සිදු වූ අතර ෆේස්බුක් මිතුරන්ගේ උදව්වෙන් අපි ඒ සඳහා දායකත්වය දැක්වූවා.

මැදවච්චිය සිට උන්වහන්සේ ප්‍රථමයෙන්ම කොළඹට වැඩමවූ අතර, ඉන්පසු රාගම සහ හංවැල්ල ප්‍රදේශයේ පන්සල් දෙකක සිට තමා අවශ්‍ය වෛද්‍ය ප්‍රතිකාර ගැනීමට වත්තල හේමාස් රෝහල වෙත වැඩම කලේ.

ප්‍රථම දිනයේ අපි උන්වහන්සේ සමඟ රෝහලට ගොස් සැත්කම සඳහා උන්වහන්සේව රෝහලට ඇතුලත් කරනු ලැබුවා. ඉන්පසු සැත්කම අවසන් කර උන්වහන්සේ වාට්ටුවට ඇතුලත් කර අවශ්‍ය වෛද්‍ය උපදෙස් ලබා ගැනීමද, ඊලඟ සැත්කම පිලිබඳව විස්තරද වෛද්‍යවරුන් සමඟ සාකච්ඡා කලා.

ඉන්පසු නැවත උන්වහන්සේ නතර වී සිටි රාගම විහාරස්ථානයට වැඩම කලේ ඊලඟ දින උදෑසනද වෛද්‍ය පරික්ෂාව සඳහා නැවත රෝහලට වැඩම කරවීමේ බලාපොරොත්තුවෙන්.

දිවා රෑ පිං වැඩෙන පිංකමකට දායක වුණ ඔබ සැමට මේ කුසලය නිර්වාණ අවබෝධය පිණිසම හේතුවාසනා වේවා.

තෙරුවණ් සරණයි !

Project Code : 2018-A-OCT-0028

Project Vision 2 | Financial Aid for Eye Surgeries

අඩු ආදායම්ලාභී, අසරණ පවුල් වල වැඩිහිටියන් සඳහා අක්‍ෂි ශල්‍යකර්ම (Eye Surgeries) වලට අවශ්‍ය මූල්‍යමය ආධාර ලබාදීම.

An Idea by Danesh Maduranga Edirisooriya, Danesh Maduranga Edirisooriya II & Danesh Maduranga Edirisooriya III
Project of SamajaSathkara.lk

ඉද්දගොඩ පියරතන ස්වාමීන්වහන්සේගේ ජීවිතය වෙනුවෙන් රුධිරය පරිත්‍යාග කල ෆේස්බුක් මිතුරු මිතුරියෝ (ප්‍රාර්ථනා Fund Project 05 – Day 02 – උදෑසන/දහවල්)

ඉද්දගොඩ පියරතන ස්වාමීන්වහන්සේගේ ජීවිතය වෙනුවෙන් රුධිරය පරිත්‍යාග කල ෆේස්බුක් මිතුරු මිතුරියෝ (ප්‍රාර්ථනා Fund Project 05 – Day 02 – උදෑසන/දහවල්)

හෘද රෝගයක් හේතුවෙන් දැඩිලෙස ගිලන්ව සිටින පිංවත් ආරණ්‍යවාසී ඉද්දගොඩ පියරතන ස්වාමීන්වහන්සේ ඊයේ (අප්‍රේල් 25) සවස ආසිරි ශල්‍ය රෝහලට බයිපාස් සැත්කමක් සිදුකිරීම සඳහා ඇතුලත් කිරීම සිදුකලා. ඊයේ දිනයේ සහ අද සියලුම පූර්ව පරීක්ෂණ සියල්ල සිදුකලා.

අද දිනයේ උන්වහන්සේ වෙනුවෙන් රුධිරය ලබාදෙන්න ෆේස්බුක් මිතුරු මිතුරියන් 4 දෙනෙක්ට ආරාධනා කලා. ඔවුන් උදෑසන 9.30 වන විට රෝහලට පැමිණියා.

Gangani Wanigasekara නංගීටත්, Gayan Shameera Gunasekara අයියා, Aravinda Rathnayake අයියා සහ Manjushri Illangaweera අයියාටත් බොහොම පිං කෙටි දැනුම් දීමකින් පැමිණීම සම්බන්ධව. ඔබ මේ සිදුකලා වූ පුණ්‍යකර්මය නිර්වාණ සම්පත්තියටම හේතුවාසනා වේවා. ඒ වගේම අපි රුධිරය අවශ්‍ය බව ෆේස්බුක් පෝස්ට් එකකින් පැවසූ පසු උදව් කරන්න පොරොන්දු වූ ඔබ සැමටද බොහොමත්ම පිං. අද දිනයේ මේ සිදුවීම නිසා ඇත්තෙන්ම කළ්‍යාණ මිතුරු මිතුරියන් කිහිප දෙනෙක් මුණ්ගැසුනා. එයද අප සියලුම දෙනා ලද භාග්‍යයක්.

පසු සටහන් : සැත්කම සිදු කිරීම ආරම්භ කරන්නේ හෙට (අප්‍රේල් 27) උදෑසන 7.30ට. හෙට සිට නැවත උන්වහන්සේ ICU එකෙන් වාට්ටුවට ඇතුලත් කරන තුරු ඡායාරූප පළනොකරන බව කරුණාවෙන් සළකන්න. දිනකට වරක් අපි උපරිම දින 4ක් යනතෙක් උන්වහන්සේගේ සෞඛ්‍ය තත්වය පිළිබඳව කෙටි විස්තරයක් පළකරන්නම්. සැත්කමෙන් පසුද වෛද්‍යවරයා පැවසුවේ විශබීජ ආදියට නිරාවරණය වීමට හැකියාව ඇති නිසා ස්වාමීන්වහන්සේ බැහැ දැකීමට පැමිණීම එක් අයෙකුට හෝ දෙදෙනෙක්ට සීමා කරන ලෙසයි.

ඔබ වහන්සේගේ සියලු රෝගයන් ද සියලු ශෝකයන් ද සියලු උවදුරු ද, සියලු දුක්‌ දොම්නස්‌ ද දුරුවේවා.

හදවත් සැත්මක සාර්ථක වේවා…

ඔබ වහන්සේගේ සියලු පැතුම් ඉටුවේවා.
දීර්ඝායුෂ ලබා සියවසක්‌ ජීවත්වීමේ වාසනාව
උදාවේවා. තෙරුවණ් සරණයි…

An idea by Danesh Maduranga Edirisooriya
Project of SamajaSathkara.lk

දඹදිව වන්දනාව

දඹදිව වන්දනාව

උතුම් වූ අප සම්මා සම්බුදු රජාණන්වහන්සේගේ පාද ස්පර්ශය ලැබූ ඒ දඹදිව වන්දනාමාන කරමින් අද අපි කුෂිනාරානුවර පිහිටි පිරිනිවන් මංචකය, ආදාහන චෛත්‍ය වන්දනාමාන කරන්නට වූවා. එහිදී අප විසින් සම්බුදු රජාණන්වහන්සේගේ පිරිනිවන් මංචකය උදෙසා සිවුරු පිරිකර, විසිතුරු නෙලුම් මල්, ඕලු මල්, කොඩි, පිච්ච මල් කොට්ට ආදිය පූජා කරනු ලැබුවා. අනතුරුව මහත් වූ භක්තියෙන් ඒ උත්තම මුණි සිරිපා වන්දනා මාන කර ගත්තා.

මා විසින් සිදු කර ගත්තා වූ මේ කුසලයන් සියලු දෙනා සතුටු සිතින් අනුමෝදන් වෙත්වා. සියලු දෙනා පහන් සිතින් යුතුව චිත්තප්‍රීතියට පත් වේවා. තෙරුවන් සරණයි.

Follow Danesh Maduranga Edirisooriya

අඩුපහසුකම් සහිත විහාරස්ථාන දෙකක ස්වාමීන්වහන්සේලාට සිවුරු පිරිකර පූජා කල ෆේස්බුක් මිතුරෝ

අඩුපහසුකම් සහිත විහාරස්ථාන දෙකක ස්වාමීන්වහන්සේලාට සිවුරු පිරිකර පූජා කල ෆේස්බුක් මිතුරෝ

මොණරාගල දිස්ත්‍රික්කයේ, වැල්ලවාය හඳපානාගල ප්‍රදේශයේ කි.මි. 25ක් පමණ ප්‍රධාන මාර්ගයේ සිට ඇතුලට වන්නට පිහිටි අශෝකාරාම විහාරය ඉතාම දුෂ්කර අඩු පහසුකම් සහිත පන්සලක්. ඒ වාගේම ඓතිහාසික කනබිසවාරාම විහාරස්ථානයත් පුරාණ අඩු පහසුකම් සහිත පන්සලක්. ඉතින් අපි පසුගිය දිනක මේ ප්‍රදේශයේ සිදුකල සෙනෙහසේ චාරිකාවකදී විහාරවාසී ස්වාමින් වහන්සේලා වෙනුවෙන් අවශ්‍යවන වස්ත්‍ර පුජාවක් සිදු කළා.

එහිදී අප විසින් සිවුරක්, අඳනයක්, හා බඳ පටියක් සහිත කට්ටලයක් එක් එක් ස්වාමින් වහන්සේලා වෙනුවෙන් වෙන වෙනම ස්වාමින් වහන්සේලා තුන් නමක් වෙනුවෙන් පුජා කිරීම සිදු කළා. ප්‍රදේශයේ දුෂ්කරතාවය හා එහි වැසියන්ගේ දිළිඳු කම අනුව ඔවුනට ස්වාමින් වහන්සේලා වෙනුවෙන් නිතරම මෙවැනි පිරිකර පුජා කිරීමට හැකියාවක් නැහැ. ඉතින් අප සිදු කල මේ වස්ත්‍ර පුජාව ගොඩාක් ප්‍රයෝජනවත් බව උන් වහන්සේලා සියලු දෙනාම අපට දේශනා කර සිටියා. ඒ වාගේම ගොඩාක් පින් දුන්නා. වස්ත්‍ර පුජා කිරීම දිව සළු පිලි පහල වීමට හේතු වන බව බුද්ධ දේශනාවේ සදහන් වෙනවා. ඉතින් මේ සිදු කල පිංකම නිසා සහබාගි වූ ඔබට ඒ කුසලය අනුමෝදන් වේවා.

මෙම පිරිකර පුජා කිරීමට දායකත්වය දක්වනු ලැබුයේ Chamila Prasanna මිතුරා හා Buddhika Perera මිතුරා විසිනි. චමිල අයියා සහ බුද්ධික අයියා පවුලේ සැමට ආශිර්වාද පතා තමයි මේ පිංකම සිදුකලේ.

ඉතින් ඔබලාට මේ කර ගත්තාවූ කුසලය අනුමෝදන් වේවා. ඔබටත් ඔබ පවුලේ සියලු දෙනාටත් මේ කුසලයේ ආනුභාවයෙන් නිදුක් නිරෝගී සැපවත් ජිවිත අත් වේවා. අවසානයේ නිවන් මාර්ගය සාක්ෂාත් වීමට මේ පින් හේතු වාසනා වේවා. දැකබලා සතුටුවන ඔබ සැමටද මේ පින අනුමෝදන් වෙත්වා..

වදන් පෙළගැස්ම :
Manoj Prasanna (Director/Vice President සමාජසත්කාර.lk)

An idea by Danesh Maduranga Edirisooriya
Project of SamajaSathkara.lk

ෆේස්බුක් මිතුරන්ගේ එකතුවෙන් පරප්පුදූව ආරණ්‍ය සේනාසනයට ලීටර් 500ක ජල ටැංකියක් පූජා කිරීම | Project Water

ෆේස්බුක් මිතුරන්ගේ එකතුවෙන් පරප්පුදූව ආරණ්‍ය සේනාසනයට ලීටර් 500ක ජල ටැංකියක් පූජා කිරීම | Project Water

ගාල්ල, දොඩම්දූව පිහිටි මේ ආරණ්‍ය සේනාසනයේ වැඩ ඉන්න භාවනායෝගී භික්ෂූන්වහන්සේලාට පානීය ජලය එක් රැස්කර තබාගැනීම සඳහා අද අපි ෆේස්බුක් මිතුරන්ගේ උදව්වෙන් Slon PE+ 500l Water Tank එකක් පූජා කලා. ලඟක කොහෙවත් ටැංකි ගන්න තිබුණේ නැහැ. ඉන්පසු හික්කඩුවෙන් අපි ලෑන්ඩ් මාස්ටර් එකක තමා ටැංකිය ගෙනවේ. දූපතට අරන් ගියේ බෝට්ටුවෙන්. එතැන් පටන් ආරණ්‍යයට දිනේෂ් එය ඔසවගෙන ගියා. ස්වාමීන්වහන්සේ බොහොමත්ම පිං දුන්නා මේ පුණ්‍යකර්මය පිළිබඳව.
දායකත්වය දැක්වූ සැමටම මේ කුසල කර්මය නිර්වාණ සම්පත්තියටම හේතු වාසනා වේවා…
Hemal Matarage අයියත්, Dinesh Kumaraත් අද මේ පිංකමට ශ්‍රමයෙන් දායක වුණා…. ඔබ දෙපලටත් බොහොම පිං.

වැඩි විස්තර, දායකයින්ගේ විස්තර සහ ඡායාරූප බලාපොරොත්තු වන්න.

Project Water | Water for Temples

An idea by Danesh Maduranga Edirisooriya
Project of SamajaSathkara.lk